पाण्याच्या टाकीसह मोटारची चोरी

--------------------------शेतशिवारातून पाण्याची मोटार लंपास

अमरावती : नांदगाव पेठ हद्दीतील नारायणपूर शेतशिवारातून विहिरीतील मोटार चोराने लंपास केली. ही घटना शनिवारी उघडकीस आली. मुकुंदा राघवेंद्र देशमुख (६३, रा. वृदांवन कॉलनी, साईनगर) हे शेतशिवारात गेले असता, त्यांना विहिरीतील २० हजार रुपये किमतीची मोटार दिसली नाही. त्यामुळे त्यांनी या घटनेची तक्रार नांदगाव पेठ पोलिसांत नोंदविली. त्यानुसार पोलिसांनी अज्ञात आरोपीविरुद्ध गुन्हा नोंदविला.

---------------------------------आठ अवैध दारू विक्रेत्यांवर गुन्हा

हजारो रुपयांची दारू जप्त

अमरावती : शहर पोलिसांनी विविध परिसरांतील आठ अवैध दारू विक्रेत्यांवर शनिवारी गुन्हा नोंदविला. राजापेठ पोलिसांनी आरोपी देवीदास विष्णुपंत डोईफोडे (३६), जयकिशन दर्शनलाल हरवानी (२७, दोन्ही रा. दस्तूरनगर), विश्वजित प्रभाकर गवळी (३२, रा. अडगाव डहाणे, मोर्शी), श्याम विनायक पानगे (४९, रा. बडनेरा), शंकर सुरेश मसराम (२८, रा. दसरा मैदान) यांच्यावर गुन्हा नोंदवून त्यांच्याकडून दारूचा मुद्देमाल जप्त केला. नांदगाव पेठ पोलिसांनी रहाटगाव परिसरातून ३ हजारांची दारू जप्त केली. या प्रकरणात समीर राजेंद्र राऊत याच्याविरुद्ध गुन्हा नोंदविला. गाडगेनगर पोलिसांनी गौतम बंडू बनसोज (१९) आणि राजा रज्जाक शहा (२६, दोन्ही रा. रेवसा) यांच्याकडून देशी-विदेशी दारूसह ३६ हजार ५० रुपयांचा मुद्देमाल जप्त केला. बडनेरा पोलिसांनी संतोष देवीदास मेहंगे (३४, रा. अंजनगावबारी) याच्याकडून ३ हजार ३६० रुपयांचा मुद्देमाल जप्त केला आहे.