बांधकाम कंत्राटदाराला लुटणारे तीन अटकेत

अमरावती: देवरणनगर येथील युनिव्हर्सल अलायमेंट गॅरेजजवळ एका ३७ वषीय बांधकाम कंत्राटदाराला लुटणार्या तीन आरोपींना मंगळवारी अटक करण्यात आली. अमर आनंद बावरी, )पटेल कमल बावरी व रा. अर्जुन खीछी (सर्व रा. दसरा मैदान, अमरावती) असे अटक आरोपींची नावे आहेत. राजापेठ पोलिसांनी ही दमदार कारवाई केली. आरोपींनी गुन्ह्याची कबुली दिली असून त्यांचेकडून १० हजार ररुपये रोकड व एक सोन्याची अंगठी जप्त करण्यात आली. त्यांना १ जुलैपर्यत पोलीस कोठडी सुनावण्यात आली आहे.

२४ जुन रोजी सायंकाळी नितीन रमेश साहू (३७, रा. साबण पुरा) हे आपले ठेकेदारीचे काम संपवून बडनेरा रोडवरून घरी साबण पुरा येथे जात असताना देवरनकरनगर येथील युनिव्हर्सल अलायमेंट गॅरेज जवळ ते लघवी करण्याकरिता थांबले असता तीन अनोळखी इसमाने अचानक त्यांचे पाठीमागून येऊन लाथाबुक्क्यांनी मारण्यास सुरुवात केली. साहू यांच्या खिशातून २२ हजार रुपये नगदी, मोबाईल, व दोन्ही हातातील २५ ग्रॅमच्या पाच सोन्याच्या अंगठ्या, गळ्यातील सोन्याची चेन एक, लॉकेट असा एकूण १ लाख ९० हजारांचा माल बळजबरीने हिसकावून घेऊन पळून गेले. राजापेठ पोलिसांनी अज्ञाताविरूद्ध कलम ३९२, ३४ अन्वये गुन्हा दाखल केला होता. अन्य मुद्देमाल पोलीस कोठडीदरम्यान जप्त करण्यात येणार आहे. राजापेठचे वरिष्ट पोलीस निरिक्षक मनीष ठाकरे यांच्या नेतृत्वात ही कारवाई करण्यात आली.