कमेला जोगीपुऱ्यातून तीन क्विंटल गोमांस जप्त

फोटो २४- अचलपूर संतोष ठाकूर

अचलपूर : शुक्रवारी सकाळी अचलपूर पोलिसांनी जुना कमेला जोगीपुरा अचलपूर येथे धाड टाकून दोन क्विंटल ८० किलो गोमांस जप्त केले. याप्रकरणी तिघांना अटक केली आहे.

अचलपूर येथील जोगीपुऱ्यातील सय्यद मुकद्दर सय्यद इमाम (३२, रा. परमानपुरा अचलपूर), मो. हनीफ शेख बशीर (४५), नियाज अहमद मो. युसुफ (२८, दोन्ही रा. जोगीपुरा) यांच्या ताब्यातून गोमांस जप्त करण्यात आले. याची किंमत ५६ हजार रुपये असून, गोवंश मांस कापण्याकरिता वापरलेले साहित्य तीन लोखंडी सुऱ्या किंमत तीनशे रुपये, दोन कुऱ्हाड २०० रुपये असा ५६ हजार ५०० रुपयांचा मुद्देमाल पोलिसांनी जप्त केला. ही संयुक्त कारवाई पोलीस अधीक्षक अविनाश बारगळ, उपविभागीय पोलीस अधिकारी पोपटराव अब्दागिरे, अचलपूरचे ठाणेदार संतोष ताले, सहायक पोलीस निरीक्षक राजेंद्र बारड, पुरुषोत्तम बावणेर, विलास सोनवणे, श्रीकृष्ण अस्वार, शेख मुजफ्फर, मदन उईके यांनी केली.

240921\img-20210924-wa0079.jpg

अचलपूर पोलिसांनी दोन क्विंटल 80 किलो गोवंश जप्त केला