तारेकर बिल्डिंगसमोरून दुचाकी लंपास

------------------

त्रिसूत्रीचे उल्लंघन, गुन्हा दाखल

अमरावती : आदित्य बारसमोरून गस्त घालताना विनामास्क फिरताना आढळला. विचारणा केली असता, उडवाउडवीचे उत्तर दिल्यावरून फ्रेजरपुरा पोलिसांनी गुन्हा नोंदविला.

-----------

क्षुल्लक कारणावरून हातावर ब्लेड मारले

तळेगाव दशासर : उकिरड्यावर कचरा टाकल्याच्या क्षुल्लक कारणावरून वाद करीत हातावर ब्लेडने मारून जखमी केल्याची घटना तिवरा येथे ११ जुलै रोजी घडली. आकाश बबन गिरी यांच्या तक्रारीवरून तळेगाव पोलिसांनी शुभम दिलीप भागवत, विष्णू भागवत, गजानन विष्णू भागवत, राजू विष्ण भागवतविरुद्ध गुन्हा नोंदविला.

-------------------

अल्पवयीन मुलीला वाईट उद्देशाने दिली हाक

धामणगाव रेल्वे : अल्पवयीन मुलगी टिकल्या आणण्यास दुकानात गेली असता सख्याहरीने तिचा पाठलाग करून वाईट उद्देशाने आवाज दिल्याची घटना उघड झाली. तक्रारीवरून दत्तापूर पोलिसांनी प्रकाश सुभाष शेंडे (२२, रा. भोईपुरा) विरुद्ध गुन्हा नोंदविला.

-------------------

क्षुल्लक कारणावरून पत्नीला मारहाण

मंगरूळ दस्तगीर : मेहूण्याने कामानिमित्त दुचाकी दिली नसल्याने शिवीगाळ केल्याच्या कारणावरून पती-पत्नीत वाद झाला. पतीने काठीने मारहाण्याच्या तक्रारीवरून मंगरुळ दस्तगीर पोलिसांनी विजय शेषराव लोखंडे (४२, झाडगाव) विरुद्ध गुन्हा नोंदविला.

-----------------

बकऱ्या चारताना महिलेचा विनयभंग

धारणी : पाहूणी आलेल्या महिलेने मावशीच्या बकऱ्या चराईसाठी नेल्या असता, अन्य एकाने महिलेचा हात पकडून गालाला चावा घेतला. पोलिसात तक्रार दिल्यास पाहून घेण्याची धमकीही दिल्याची घटना ११ जुलै रोजी धारणी तालुक्यात घडली. तक्रारीवरून पोलिसांनी रामेश्वर परसराम कासदेकर (३२, रा. भोकरबर्डी) विरुद्ध गुन्हा नोंदविला.

----------------

कपाटातून ९० हजारांचे ऐवज लंपास

धारणी : घराला कुलूप लावून बाहेर गेलेल्या मुलीच्या घरात शिरून कपाटातील ८० हजार रुपये रोख व ५ ग्रॅम वजनाचे सोन्याचे मनी असा ९० हजारांचा ऐवज लंपास केल्याची घटना १२ जुलै रोजी उघड झाली. तक्रारीवरून धारणी पोलिसांनी अज्ञाताविरुद्ध गुन्हा नोंदविला.

---------------------

घरासमोर दारू पिऊन शिवीगाळ

चांदूर रेल्वे : घरासमोरू दारून पिऊन शिवीगाळ करणाऱ्या युवकाला हटकले असता, काठीने मारल्याची घटना ११ जुलै रोजी सोनोरा भिलटेक येथे घडली. आशिष उत्तमराव गोरे (४०) यांच्या तक्रारीवरून चांदूर रेल्वे पोलिसांनी बंटी ऊर्फ वैभव नरेंद्र काळबांडे (२८, रा. सोनोरा भिलटेक) विरुद्ध गुन्हा नोंदविला.

-------------------

भिंत पाडून सेटअप बॉक्स चोरून नेले

अंजनगाव सुर्जी : बंद घराची भिंत पाडून आत घुसला व सेटअप बॉक्स चोरून नेल्याची घटना १२ जुलै रोजी उघडकीस आली. महिलेच्या तक्रारीवरून पोलिसांनी विशाल प्रभाकर जवंजाळ (रा. वानखडेपेठ) विरुद्ध गुन्हा नोंदविला.

-----------------

क्षुल्लक कारणावरून वीट मारली

पथ्रोट : घरासमोर उभा असलेल्या युवकाला हटकल्यावरून झालेल्या वादात विटेने मारून जखमी केल्याची घटना भिलोना येथे १२ जुलै रोजी घडली. विनोद आनंदराव छापानी यांच्या तक्रारीवरून पथ्रोट पोलिसांनी देवानंद बंडुजी डोंगरदिवे, नितेश डोंगरदिवे, दिवाकर डोंगरदिवे (सर्व रा. भिलोना)विरुद्ध गुन्हा नोंदविला, देवानंद यांच्या तक्रारीवरून विनोद आनंदराव छापानेविरुद्ध गुन्हा नोंदविण्यात आला.

--------------------

-