न्यू प्रभात कॉलनीतून दुचाकी लंपास

अमरावती : न्यू प्रभात कॉलनीतील एका घरासमोरून चोराने दुचाकी लंपास केली. ही घटना गुरुवारी उघडकीस आली. अजय उत्तमसिंह गहरवार (४०, रा. न्यू प्रभातकॉलनी) यांनी एमएच २७ एएल ४००७ या क्रमांकाची दुचाकी घरासमोर उभी केली होती. थोड्या वेळाने ते परतले असता, त्यांना दुचाकी दिसली नाही. अजय गहरवारच्या तक्रारीवरून राजापेठ पोलिसांनी अज्ञाताविरुद्ध गुन्हा नोंदविला.

000000000000000000000000000

निर्वस्त्र फोटो पतीला पाठवून महिलेची बदनामी

अमरावती : खासगी जीवनातील निवस्त्र छायाचित्रे महिलेच्या पतीला पाठवून तिची बदनामी करण्यात आली. ही घटना राजापेठ हद्दीत गुरुवारी उघडकीस आली. याप्रकरणी ४३ वर्षीय पीडित महिलेच्या तक्रारीवरून राजापेठ पोलिसांनी असलम सलाम शेख (रा. सिन्देवाही, जि. चंद्रपूर) याच्याविरुद्ध विनयभंगाचा गुन्हा नोंदविला.

0000000000000000000000000000

झाडाखाली इसमाचा मृतदेह आढळला

अमरावती : गाडगेनगर हद्दीतील महेंद्र कॉलनीत एका झाडाखाली ४० वर्षीय इसमाचा मृतदेह आढळून आला. ही घटना गुरुवारी उघडकीस आली. हनुमंता लक्ष्मण बाहेर (४० रा. निंभा) असे मृताचे नाव आहे. याप्रकरणात गाडगेनगर पोलिसांनी आकस्मिक मृत्यूची नोंद केली. या घटनेचा प्राथमिक तपास पोलिस उपनिरीक्षक सूरज कोल्हे यांनी केला.