शिवाजी चौकातून दुचाकी चोरी

अमरावती: बडनेरा ठाणे हद्दीतील शिवाजी चौक आठवडी बाजार नवी वस्ती येथून २० हजार रुपये किमतीची एमएच२७- एएल ३४४० क्रमांकाची दुचाकी अज्ञात आरोपीने चोरून नेल्याची घटना मंगळवारी घडली.

फिर्यादी जयंत वामनराव इंगोले (३८, रा. प्रभा कॉलनी) यांनी या संदर्भाची तक्रार बडनेरा पोलिसांकडे नोंदविली.

--------------------------------------------------------------

पत्नीला मारहाण, पतीविरुद्ध गुन्हा

अमरावती: क्षुल्लक कारणावरून पत्नीला काठीने व लाथाबुक्क्याने मारहाण करण्यात आल्याची घटना लुंबिनीनगरात बुधवारी घडली.

विजय सहदेव तायडे (४०, रा. लुंबिनीनगर) असे आरोपीचे नाव आहे. महिलेच्या भावाने दिलेल्या तक्रारीवरून फ्रेजरपुरा पोलिसानी भादंविची कलम ३२४ अन्वये गुन्हा नोंदविला आहे. पुढील तपास पोलीस करीत आहेत.

---------------------------------------------------

युवकाच्या डोक्यावर मारून जखमी

अमरावती: पैसे व पार्सल घेण्याच्या वादावरून एका युवकाच्या डोक्यावर काहीतरी मारून जखमी केल्याची घटना नवसारी येथील खुशी रेस्टाॅरंट ॲन्ड बार येथे बुधवारी दुपारी घडली.

या प्रकरणी गाडगेनगर पोलिसांनी बारचा वेटर, तसेच बारचे संचालक व मॅनेजरविरुद्ध भादंविची कलम ३२४, ५०६, ५०४, ३४ अन्वये गुन्हा नोंदविला आहे. फिर्यादी चिराग नरेंद्र लगाडाई (२०, रा. मोतीनगर) यांनी पोलिसात तक्रार नोंदविली. पुढील तपास पोलीस करीत आहेत.