अवकाळी पावसामुळे उभ्या पिकांची नासाडी

फोटो पी २३ अंजनगाव बारी

पान ३ ची िलड

अंजनगाव बारी : सततच्या चार दिवसांपासून सुरू असलेल्या वादळी पावसामुळे गहू, कांदा ही प्रमुख रब्बी पिके जमिनीवर झोपल्याने शेतकऱ्यांचे लाखोंचे नुकसान झाले आहे, तसेच पालेभाज्या अवकाळी पावसामुळे सडल्या. वादळामुळे संत्रा, मोसंबी, निंबू इ. झाडे कोसळून पडली आहेत.

अंजनगाव बारी परिसरात गारपीट झाल्याने कांदा, गहू ही पिके जमिनीवर पडलेल्या अवस्थेत आहे. या वर्षी ६० टक्के गहू शेतकऱ्यांच्या घरी आला. मात्र, ४० टक्के गहू अद्यापही शेतात पडून आहे. पावसाचे पाणी शिरून गव्हाच्या पेंड्या सडत आहे. पपई, आंबा हे पिके वादळाने झाडासह कोसळून पडले आहे. शेतकरी उत्पन्न वाढविण्यासाठी फळपिकांकडे वळले असताना आंबा, चिकू, संत्रा, मोसंबी, पेरू, निंबू, डाळिंब ही फळे मातीमोल झाल्याने मुद्दल निघेल, याचीही शाश्वती नाही. परिसरात १० ते १५ गावांतील पार्डी(देवी), अडगांव बु., मांजरी म्हसला, उतखेड, टिमटाळा, मालखेड (रेल्वे), आमला (विश्वेश्वर), मांजरखेड (कसबा), बासलापूर येथेही वादळी वाऱ्यासह झालेल्या गारपिटीमुळे गहू, कांदा, संत्रा, हरभरा पिकांना फटका बसल्याची प्राथमिक माहिती आहे.

३०० विटभट्ट्यांचे नुकसान

अंजनगाव बारी परिसरात ३०० विटभट्ट्या कारखानदार आहेत. अवकाळी पावसामुळे तयार झालेला ७० ते ८० लाखांचा कच्चा माल वाया गेला आहे. लावलेल्या भट्टीतील प्रत्येक कारखानदारांचा एक ते दिड लाख एवढा माल निरुपयोगी झाला आहे. हा माल झाकलेला असतानाही उपलब्ध सामग्री फाटल्याने व उडाल्याने मालाचे मोठ्या प्रमाणात नुकसान झाले आहे. मजुरांची घरावरील टिनाची छपरे उडाल्याने संपूर्ण मजूर गावात निघून गेल्याने कारखाने ओसाड पडले आहे.

बॉक्स

पोर्टलवर नोंदवा माहिती

नुकसान झालेल्या शेतकऱ्यांनी आपले नाव व शेत सर्वे नंबर गावातील तलाठी किंवा कृषी सहायक यांच्या कडे द्यावे, असे आदेश कृषी विभागाने तालुका कृषी अधिकारी व तहसीलदारांना दिले आहेत. नुुकसानग्रस्त शेतकऱ्यांनी ७२ तासांच्या आत ही माहिती विमा कंपनीच्या पोर्टलवर नोंदवावी, असे आवाहन जिल्हा अधीक्षक कृषी अधिकारी यांनी केले आहे.