‘त्या’ महिलेचा गावगुंडांकडून खून

अमरावती : शिरखेड पोलीस ठाण्याच्या हद्दीतील तळेगाव दाभेरी येथील वीटभट्टीवरील मजूर महिलेचा खून गावगुडांनी केल्याची कबुली या प्रकरणात अटक केलेल्या प्रियकराने पोलिसांना दिली. या गावगुंडांनीच संपविण्याची धमकी दिली होती. त्याला घाबरून आपण आतापर्यंत वस्तुस्थिती लपवित होतो, असे त्याने पोलिसांना चौकशीदरम्यान सांगितले.

तिवसा तालुक्यातील तळेगाव दाभेरी येथील महिलेचे प्रेत शिवारात चेहरा दगडाने चेचलेल्या व पार्श्वभागात काड्या खुपसलेल्या अवस्थेत ६ फेब्रुवारी रोजी आढळून आला होता. घटनास्थळ शिरखेड पोलीस ठाण्याच्या हद्दीत येत असल्याने पोलीस पाटलांच्या फिर्यादीवरून शिरखेड पोलिसांनी भादंविचे कलम ३०२, ३७६, ३७६ (१), ३७६ (२), २०१ अन्वये गुन्हा नोंदविला होता. या गुन्हयाचा तपास उपविभागीय पोलीस अधिकारी हे स्थानिक गुन्हे शाखा व शिरखेड पोलीस ठाण्याच्या सहकार्याने करीत होते. सदर महिलेची ओळख पटल्यावर प्रथम तिचा वीटभट्टीवरील सहकारी नीलेश गोविंद मेश्राम (४२, रा.मनीपूर) याला ७ फेब्रुवारी रोजी अटक करण्यात आली. तथापि, महिलेचा मृतदेह ज्या स्थितीत आढळला, त्यावरून या गुन्ह्यात आणखी काही जण सहभागी असल्याचा होरा तपास करणाऱ्या अधिकाऱ्यांचा होता. नीलेश हा काही तरी लपवत आहे, हे त्याच्या शारीरिक परिभाषेवरून लक्षात आले होते. त्यामुळे त्याला पोलीस कोठडीदरम्यान विश्वासात घेऊन वस्तुस्थिती जाणून घेण्याचा प्रयत्न करण्यात आला. आता नीलेशने पोलिसांना दिलेल्या कबुलीनुसार, तळेगाव येथील गावगुंड सुधीर रघुपती वानखडे व विनोद तुकाराम वानखडे यांनी मृत महिलेचा खून केला. यानंतर त्यांनी नीलेशला हत्येचा आरोपी होण्यास सांगितले व तसे न केल्यास जिवे मारण्याची धमकी दिली.

असा केला खून नीलेशच्या कथनानुसार, १ फेब्रुवारी.रोजी सकाळी १० वाजता मृत महिला ही वीटभट्टीवरून सारवायला शेण घेऊन येते, असे सांगून गेली होती. ४ फेब्रुवारीपर्यंत सुधीर व विनोद याांनी तिला त्यांचेकडे ठेवून घेतले. रघुपती वानखडे याच्या पडीक शेतात दोन्ही आरोपींनी तिच्यावर लैंगिक अत्याचार व निर्घृण खून केला. यानंतर त्यांनी नीलेशला धमकावून पोलिसांची दिशाभूल करण्याचा प्रयत्न केला.

--------------

कोट येत आहे.