कार्यकर्त्यांनी संघटनशक्ती अधिक दृढ करावी

भाजप शहर कार्यकारिणी बैठक

फोटो -

धामणगाव रेल्वे : जगातील सर्वात मोठी सदस्यसंख्या असलेल्या भारतीय जनता पार्टीचा सदस्य असल्याचा सर्व कार्यकर्त्यांनी अभिमान बाळगावा. भाजपाची केंद्रात असलेली सत्ता व राज्यात सर्वाधिक निवडून आलेले भाजपचे आमदार हे विजयी घोडदौडीत बूथ रचना व शक्तीकेंद्र यांचा सिंहाचा वाटा असून प्रत्येक कार्यकर्त्याने आता अधिकाधिक वेळ संघटनशक्तीला देण्याचे आवाहन भाजपचे ज्येष्ठ नेते माजी आमदार अरुण अडसड यांनी व्यक्त केले.

धामणगाव शहर भाजपा, भाजपा महिला आघाडी तसेच शक्तिकेंद्र प्रमुख, बूथप्रमुखांची बैठक बुधवारी वीर हनुमान लॉन येथे पार पडली. या बैठकीच्या अध्यक्षस्थानी अरुण अडसड होते. यावेळी मंचावर भाजपा शहराध्यक्ष गिरीश भुतडा, तालुकाध्यक्ष बाळासाहेब शिरपूरकर, भाजप जिल्हा उपाध्यक्ष सुनील साकुरे, भाजप महिला आघाडीच्या जिल्हा उपाध्यक्ष उषा तिनखेडे, शहराध्यक्ष नलिनी मेश्राम यांची उपस्थिती होती. भाजपा धामणगाव रेल्वे शहर अल्पसंख्याक अध्यक्षपदी सैयद नासीर हुसेन व भाजपा धामणगाव रेल्वे व्यापारी सेलच्या अध्यक्षपदी प्रसन्न भंडारी यांची नियुक्ती करण्यात आली. या नवनियुक्त पदाधिकाऱ्यांचा सत्कार भाजप नेते अरुण अडसड यांनी केला. बैठकीचे प्रास्ताविक भाजप शहराध्यक्ष गिरीश भुतडा, संचालन शहर सरचिटणीस अशोक शर्मा व आभार प्रदर्शन भाजप महिला आघाडीच्या शहराध्यक्षा नलिनी मेश्राम यांनी मानले. या बैठकीला शहरातील शक्तिकेंद्र प्रमुख, बूथप्रमुख, नगरसेवक व पदाधिकारी यांची उपस्थिती होती.