नवीन वर्षात अधिकाधिक यश प्राप्त व्हावे. प्रगती व्हावी. सुख-समाधान मिळावे, यासाठी माणून नेहमीच प्रयत्नशील असतो. सन २०२३ हे वर्ष वृश्चिक राशीच्या व्यक्तींसाठी कसे असेल? जाणून घेऊया...

वृश्चिक राशीच्या व्यक्तींना २०२३ चे वर्ष बहुतांशी अनुकूलता घेऊन येणारे आहे. आपला आत्मविश्वास उंचावून यावर्षी नवीन काहीतरी करण्याची इच्छा मनात निर्माण होईल. या वर्षात आपणास २ गोष्टी लक्षात ठेवाव्या लागतील. पहिली गोष्ट म्हणजे रागावर नियंत्रण ठेवणे, अन्यथा महत्वाच्या कामात खोळंबा होऊ शकतो. दुसरे म्हणजे आपल्या मनातील भावना लोकांसमोर जास्त प्रमाणात व्यक्त न करणे, अन्यथा ते आपल्या भावनांचा गैरफायदा घेण्याची संभावना आहे.

वृश्चिक राशीच्या व्यक्तींना यावर्षी विरोधक काही प्रमाणात आपल्याला त्रास देण्याचा प्रयत्न करतील. त्यामुळे आपण मानसिक तणावात राहण्याची शक्यता आहे. असे असले तरी ते आपल्या विरुद्ध काही करू शकणार नाहीत व अंतिम विजय आपलाच असल्याने आपणास घाबरण्याची आवश्यकता नाही. कोर्ट - कचेरीशी संबंधित कार्यात आपणास सकारात्मक बातमी मिळू शकेल. आपणास नोकरीत चांगली स्थिती प्राप्त होईल. आपल्या आर्थिक स्थितीवर ताण येऊ नये म्हणून आपणास वायफळ खर्चांवर नियंत्रण ठेवावे लागेल. 

वृश्चिक राशीच्या व्यक्तींच्या प्रकृतीत चढ-उतार येतील. अनेकदा घरगुती उपचाराने आपल्या प्रकृतीत सुधारणा होईल. अचानकपणे एखादी शारीरिक व्याधी निर्माण होईल, तसेच ती दूर होईल. मात्र, यामुळे आपण काहीसे त्रासून जाल. असे असले तरी आपल्या प्रकृतीकडे दुर्लक्ष न करता आहारावर लक्ष द्यावे. कुटुंबियांचे सहकार्य मिळेल. कुटुंबातील वयोवृद्ध व्यक्तींच्या आशीर्वादाने आपली प्रलंबित कामे होतील. आर्थिक लाभासह समाजात सुद्धा आपली प्रतिष्ठा उंचावेल. भविष्यात आपल्यासाठी उपयुक्त ठरतील असे दूरवरचे प्रवास आपण कराल. 

वृश्चिक राशीच्या व्यक्तींना एखादा विदेश प्रवास संभवतो. जमीन - मालमत्तेशी संबंधित कामात आपणास यश प्राप्त होईल. आपण आपल्या आत्मविश्वासाच्या जोरावर खूप काही करू शकाल. असे असले तरी महत्वाच्या कामात आपला खोळंबा होण्याची शक्यता आहे. आपणास आळस झटकावा लागेल. आपले मन धार्मिक प्रवृत्तीत गुंतल्याने आपणास मानसिक शांतता जाणवेल. घरात एखादे शुभ कार्य झाल्याने कौटुंबिक वातावरण धार्मिक व शांततामय राहील. आपल्या मनात नवीन काही शिकण्याची इच्छा जागृत होऊन नवीन विषय शिकण्याचा विचार आपण करण्याची शक्यता आहे. त्याने आपणास निव्वळ आनंदच मिळेल असे नाही. परंतु, ज्ञानात भर पडेल. काही नवीन व प्रतिष्ठित व्यक्तींच्या संपर्कात आपण याल. अशा व्यक्तींच्या भेटीने आपण आनंदित व्हाल. आपणास जीवनात प्रगती करण्याची संधी सुद्धा प्राप्त होईल.

{{{{youtube_video_id####sqDIL1AvlLA}}}}

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"