अब की बार ‘स्मार्ट’ टायर्स…! पंक्चर झाल्यास मोबाईलवर अलर्ट येणार
By जयदीप दाभोळकर | Published: February 19, 2023 08:57 AM2023-02-19T08:57:08+5:302023-02-19T08:57:23+5:30
स्मार्ट टायर्स प्रामुख्यानं इलेक्ट्रिक वाहनांसाठी तयार करण्यात आलेत.
अब की बार ‘स्मार्ट’ टायर्स…! पंक्चर झाल्यास मोबाईलवर अलर्ट येणार
जयदीप दाभोळकर
तुम्ही स्मार्टफोन, स्मार्टवॉच असे शब्द यापूर्वी नक्कीच ऐकले असतील. पण तुम्ही स्मार्ट टायर असं कधी ऐकलंय? ऑटोमोबाइल कंपन्या वाहनांच्या इंजिनपासून ते फीचर्सपर्यंत सर्वकाही स्मार्ट करतायत. स्मार्ट फीचर्समुळे कार चालवणंही सोपं होतंय. पण आता टायर कंपन्यांही यात मागे नाहीत. एका कंपनीने आता स्मार्ट टायर्स बाजारात आणलेत.
स्मार्ट टायर्स प्रामुख्यानं इलेक्ट्रिक वाहनांसाठी तयार करण्यात आलेत. याच्या मदतीने तुमच्या ईव्हीची रेंजही वाढेल.
जे लोक आपल्या कार्समध्ये या कंपन्यांचे टायर्स वापरत आहेत, त्यांना हे स्मार्ट टायर्स घेता येतील. यासाठी खर्चही तसा केवळ ३ हजार रुपयांचा असेल. या स्मार्ट टायर्सवर सेन्सर्स लावण्यात आले आहेत. टेम्परेचर किंवा प्रेशर वाढलं अथवा पंक्चर झालं तर ड्रायव्हरच्या मोबाइल ॲपवर या सेन्सर्सच्या मदतीनं अलर्ट पाठवला जाईल.
ईव्ही ग्राहकांसाठी तयार केलेल्या रेंजर एच पी टायर्ससाठी ओईएमसोबत चर्चाही सुरू आहे. हार्ड सर्फेसचा सामना करण्यासाठी तयार केलेले रेंजर X-AT हे एसयुव्हींसाठी तयार करण्यात आलेत.