Samruddhi Mahamarg: ७ सेकंदात १००चा स्पीड, ९ एअरबॅग; ‘समृद्धी’वर फडणवीसांनी चालवलेल्या कारची किंमत ऐकून अवाक् व्हाल
By ऑनलाइन लोकमत | Published: December 4, 2022 08:57 PM2022-12-04T20:57:14+5:302022-12-04T20:58:07+5:30
Samruddhi Mahamarg: समृद्धी महामार्गाची पाहणी करताना उपमुख्यमंत्री देवेंद्र फडणवीस चालवत असलेली कार लक्षवेधी ठरल्याचे सांगितले जात आहे. नेमकी कोणती होती ही कार? तुम्हीच पाहा...
Samruddhi Mahamarg: ७ सेकंदात १००चा स्पीड, ९ एअरबॅग; ‘समृद्धी’वर फडणवीसांनी चालवलेल्या कारची किंमत ऐकून अवाक् व्हाल
Next Devendra Fadnavis Drove Mercedes Car On Samruddhi Mahamarg: राज्यासाठी अत्यंत महत्त्वाचा असलेल्या समृद्धी महामार्गाची पाहणी मुख्यमंत्री एकनाथ शिंदे (CM Eknath Shinde) आणि उपमुख्यमंत्री देवेंद्र फडणवीस (Devendra Fadnavis) यांनी केली. लवकरच पंतप्रधान नरेंद्र मोदी यांच्या हस्ते या समृद्धी महामार्गाच्या एका टप्प्याचे लोकार्पण केले जाणार असल्याचे सांगितले जात आहे. याच पार्श्वभूमीवर शिंदे आणि फडणवीस यांनी या महामार्गावरून एक फेरफटका मारला. स्वतः देवेंद्र फडणवीस यांनी कारचे सारथ्य करत, नागपूर ते शिर्डी असा ५२९ किमीचा प्रवास अवघ्या काही तासांत पूर्ण केला.
देवेंद्र फडणवीस यांचे समृद्धी महामार्गावर कार चलावतानाचे फोटो आणि व्हिडिओ हे सोशल मीडियावर व्हायरल होत आहे. यातच अनेकांना प्रश्न पाडला आहे की, देवेंद्र फडणवीस चालवत असलेली ही कार नेमकी कोणती आहे? देवेंद्र फडणवीस चालवत असलेली ही कार आहे Mercedes-Benz G350d.
Mercedesची महागडी पण दमदार कार
Mercedes G350d मध्ये ३.० लिटर ६ सिलेंडर असलेले डिझेल इंजिन आहे. हे इंजिन ९-स्पीड ऑटोमॅटिक गिअरबॉक्ससह देण्यात आले आहे. मर्सिडीज जी-क्लास ऑफ-रोडिंगसाठी प्रसिद्ध कार आहे. ही कार फक्त ७.४ सेकंदात १०० किमी/ताशी वेग पकडू शकते. Mercedes G350d या कारला २० इंचाचे अलॉय व्हील देण्यात आले आहेत. तर या कारचा ग्राउंड क्लियरन्स २४१ मिमी आहे.
९ एअरबॅग्जचे सुरक्षा कवच अन् भन्नाट फिचर्स
Mercedes G क्लास कारमध्ये थ्री-झोन क्लायमेट कंट्रोल, ९ एअरबॅग्ज, पॉवर आणि व्हेंटिलेटेड फ्रंट सीट्स यांसारखे अनेक भन्नाट फीचर्स उपलब्ध आहेत. Mercedes G350d या कारमध्ये कंपनीने कनेक्टेड कार टेक्नॉलॉजी फीचरसह फॅक्टरी फिट फीचर देणारी देशातील पहिली मर्सिडीज कार आहे. यात दोन १२.३ इंच डिस्प्ले, ड्रायव्हर इन्स्ट्रुमेंट क्लस्टर, मल्टी इन्फॉर्मेशन डिस्प्ले आणि टचस्क्रीन इन्फोटेनमेंट सिस्टम सारखे फीचर्सही देण्यात आले आहेत. Mercedes G350d या कारची एक्स शोरूम किंमत २.०२ कोटी इतकी आहे.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"