Mahindra Scorpio-N Booking : उद्यापासून महिंद्रा स्कॉर्पिओ-एनचे बुकिंग सुरू होणार; फक्त 21000 रुपयांमध्ये करा बुक!

Mahindra Scorpio-N Booking :  या कारची  बुकिंग कंपनीच्या अधिकृत वेबसाइट आणि महिंद्रा डीलरशिपवर सकाळी 11 वाजल्यापासून सुरू होईल.

नवी दिल्ली : महिंद्रा अँड महिंद्रा उद्यापासून (30 जुलै 2022) नव्याने लॉन्च झालेल्या Scorpio-N SUV साठी बुकिंग सुरू करणार आहे.  या कारची  बुकिंग कंपनीच्या अधिकृत वेबसाइट आणि महिंद्रा डीलरशिपवर सकाळी 11 वाजल्यापासून सुरू होईल. तसेच, ही कार अवघ्या 21 हजार रुपयांमध्ये बुक करता येणार आहे. मात्र, डिलिव्हरी 26 सप्टेंबरपासून होईल. 

कार निर्मात्या कंपनीने आपल्या सर्व पेट्रोल आणि डिझेल व्हेरिएंटच्या किंमती आधीच उघड केल्या आहेत, ज्या 11.99 लाख ते 23.90 लाख रुपयांच्या दरम्यान आहेत. कारचा सर्वात स्वस्त व्हेरिएंट Z2 (पेट्रोल, मॅन्युअल ट्रान्समिशन) आहे, याची किंमत 11.99 लाख रुपये आहे. महिंद्राने शेअर केलेल्या माहितीनुसार, Scorpio-N ही फायनान्स स्कीम FinN* अंतर्गत 10 वर्षांच्या कमाल कालावधीसाठी 100 टक्के ऑन-रोड किमतीपर्यंतच्या कर्जावर 6.99 टक्के आकर्षक व्याजदरासह ऑफर केली जात आहे. 

महिंद्राने म्हटले आहे की, 'पहले आओ, पहले पाओ' या आधारावर बुकिंग स्वीकारले जाईल. निवडलेल्या व्हेरिएंटसोबत वाहनाच्या डिलिव्हरीची तारीख निश्चित केली जाईल. बुकिंग करण्यापूर्वी, ग्राहकांना कार्टमध्ये गाडी जोडणे आवश्यक आहे, जे महिंद्राच्या वेबसाइटवर जाऊन केले जाऊ शकते. वेबसाइटवरील बुकिंग पेजवर 'Add to Cart' ऑप्शन मिळेल.

दरम्यान, या किमती फक्त पहिल्या 25,000 बुकिंगसाठी आहेत. यानंतर कंपनी आपल्या किमती वाढवू शकते. हे दोन इंजिन पर्यायांमध्ये देण्यात आले आहे. याला 2.0-लिटर mStallion टर्बोचार्ज्ड पेट्रोल इंजिनचा पर्याय मिळतो, जो 197 bhp आणि 380 Nm बनवतो तर दुसरा 2.2-लीटर mHawk डिझेल इंजिन पर्याय, जो 173 bhp आणि 400 Nm पर्यंत जनरेट करण्यास सक्षम आहे. ट्रान्समिशन पर्यायांबद्दल बोलायचे झाल्यास, यात महिंद्राच्या 4 XPLOR 4WD सिस्टमसह 6-स्पीड MT आणि 6-स्पीड टॉर्क-कन्व्हर्टर AT आहे.