मारुतीची भन्नाट ऑफर! 'या' दमदार एसयूव्हीवर आता ३.३ लाखापर्यंत डिस्काउंट, कारण... 

By ऑनलाइन लोकमत | Published: July 8, 2024 03:24 PM2024-07-08T15:24:07+5:302024-07-08T15:28:57+5:30

मारुती सुझुकी जिम्नी ही कार महिंद्रा थारची स्पर्धक म्हणून ओळखली जाते.

Maruti Jimny gets discounts of up to Rs. 3.3 lakh in July 2024 | मारुतीची भन्नाट ऑफर! 'या' दमदार एसयूव्हीवर आता ३.३ लाखापर्यंत डिस्काउंट, कारण... 

मारुतीची भन्नाट ऑफर! 'या' दमदार एसयूव्हीवर आता ३.३ लाखापर्यंत डिस्काउंट, कारण... 

नवी दिल्ली : देशातील सर्वात मोठी कार निर्माता कंपनी मारुती सुझुकीचेकार देशभरात खूप लोकप्रिय आहेत. यातच मारुती सुझुकी जिम्नी ही कार महिंद्रा थारची स्पर्धक म्हणून ओळखली जाते. मात्र, एसयूव्ही लाँच झाल्यानंतर ऑटो मार्केटमध्ये फारशी क्रेझ दिसून आली नाही. यामागील कारण म्हणजे कारची किंमत. 

मारुतीची ही कार असूनही तिची किंमत ग्राहकांच्या बजेटमध्ये बसत नाही. पण, आता कंपनी जिम्नीवर डिस्काउंट ऑफर देत आहे. त्यामुळे जर तुम्ही देखील लवकरच नवीन मारुती कार घेण्याचा विचार करत असाल, तर तुमच्यासाठी ही एक उत्तम संधी आहे. मारुती जिम्नी ही जीटा आणि अल्फा अशा दोन व्हेरिएंटमध्ये येते. या कारची किंमत १२.७४ लाख ते १५.०५ लाख रुपये, जी एक्स-शोरूम दरम्यान आहे. या एसयूव्हीवर ग्राहकांना ३.३ लाख रुपयांपर्यंत सूट मिळू शकते.

मारुती जिम्नीवर ऑफर
जिम्नीच्या ऑफरवर १.७५ लाख रुपयांपर्यंत कॅश डिस्काउंट मिळत आहे. जो कारच्या एंट्री लेव्हल जीटा व्हेरिएंटवर लागू आहे. तसेच, कारच्या अल्फा व्हेरिएंटवर १.८० लाख रुपयांपर्यंतची कॅश डिस्काउंट दिले जात आहे. याशिवाय, १.५० लाख रुपयांपर्यंतच्या अतिरिक्त सवलती देखील दिल्या जात आहेत, ज्या मारुती सुझुकीची फायनान्स सेवा निवडणाऱ्या ग्राहकांना उपलब्ध असतील. दरम्यान, ग्राहकांच्या लक्षात असू द्या की, या सवलतीच्या ऑफर डीलरशिप आणि क्षेत्रानुसार बदलू शकतात.

मारुती जिम्नीचे इंजिन
जिम्नी एसयूव्हीमध्ये १,४६२cc नॅचरली एस्पिरेटेड पेट्रोल इंजिन आहे, जे निष्क्रिय स्टार्ट-स्टॉप फंक्शन आहे. त्याचे आउटपुट १०३ bhp आणि १३४.२ Nm टॉर्क आहे आणि ते ५-स्पीड मॅन्युअल किंवा ४-स्पीड टॉर्क कन्व्हर्टर ऑटोमॅटिक ट्रान्समिशनशी जोडलेले आहे. मारुती सुझुकीच्या मते, जिम्नी मॅन्युअल १६.९४ kmpl चा मायलेज देते तर ऑटोमॅटिक व्हर्जन १६.३९ kmpl मायलेज देते. 

मारुती जिम्नीमधील फीचर्स
जिम्नीमध्ये फोर व्हिल ड्राइव्ह (4X4) ऑल प्रो सिस्टम देण्यात आली आहे. या SUV मध्ये कंपनीने आर्कमिजच्या प्रिमियम सराऊंड साऊंड सिस्टमचा वापर केला आहे. या SUV ला वायरलेस Android Auto आणि Apple CarPlay आणि Arcams द्वारे साउंड सिस्टमसह ९-इंच टचस्क्रीन डिस्प्ले देखील मिळतो.

Web Title: Maruti Jimny gets discounts of up to Rs. 3.3 lakh in July 2024

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.