आता आली पिंक कलरची ही खास Barbie Car, किंमत जाणून व्हाल अवाक!

या कारला 530 hp चे V6 Nettuno इंजिन देण्यात आले आहे. या कारवर Barbie चा लोगोही आहे.

जर एखाद्या वस्तूसोबत Barbie नाव जोडले गेले, तर समजून जा, की ती नक्कीच एखादी चमकदार पिंक कलरची वस्तू असेल. साधारणपणे, लहान मुलांच्या खेळणी Barbie नावाशी संबंधित असतात. मात्र, कदाचित Barbie हे नाव पहिल्यांदाच एखाद्या लक्झरीअस कारशी जोडले गेले असेल. या कारची किंमत जवळपास 27 कोटी रुपये (33 लाख डॉलर) एवढी आहे.

Barbie Dolls बनवणारी कॅलिफोर्नियाची कंपनी Mattle ने इटालीअन कार कंपनी Maserati सोबत टाय-अप केले आहे. या दोन्ही कंपन्यांचे हे टाय-अप अनोखे आहे. Maserati ने बार्बी थीम असलेली एक लक्झरीअस कार सादर केली आहे. पिंक कलरची ही कार कंपनीची लेटेस्ट एसयूव्ही Grecale आहे.

तयार करण्यात आले केवळ 2 युनिट -
बार्बी मासेरती ग्रीकेलचे जगभरात केवळ दोनच कस्टम युनिट मिळतील. हिच्या विक्रीतील 10% Barbie Dream Gap Project मध्ये जाईल. हा प्रोजेक्ट मुलींना समान संधी उपलब्ध करून देण्यासाठी काम करतो.

हा Barbie ब्रँडला पुन्हा एकदा रिव्हाइव्ह करण्याचा प्रयत्न आहे, असे एक्सपर्टचे म्हणणे आहे. तसेच, ही एसयूव्ही बाजारात आण्यासाठी कंपनी अत्यंत उत्सुक आहे, असे मॅटलचे सीओओ रिचर्ड डिक्सन यांनी म्हटले आहे. तसेच, आमची कंपनी गेल्या 5 वर्षांत झपाट्याने वाढत आहे. या दरम्यान बार्बी ब्रँड साइज दुप्पट वाढली आहे. तसेच, गेल्या दोन वर्षांत जागतिक पातळीवर हा ब्रँड सर्वाधिक विकल्या गेलेल्या ब्रँड पैकी एक आहे, असेही त्यांनी म्हटले आहे.

दमदार आहे Maserati Grecale -
Maserati Grecale बार्बीच्या आयकॉनिक पिंक कलरमध्ये रंगवण्यात आली आहे. हिला 530 hp चे V6 Nettuno इंजिन देण्यात आले आहे. या कारवर Barbie चा लोगोही आहे. एवढेच नाही, तर कारच्या इंटीरिअरचा विचार केल्यास. यात लेदर सीट, काळ्या रंगाचा डॅशबोर्ड आणि कारपेट आदी आहे. तसे ही कार उन्हात रेनबो इफेक्ट देखील देते.