New Audi Q5 ची बुकिंग सुरू; लवकरच लाँच होणार
By ऑनलाइन लोकमत | Published: October 19, 2021 02:21 PM2021-10-19T14:21:55+5:302021-10-19T14:23:21+5:30
New Audi Q5 Bookings: ऑनलाइन बुकिंग अधिकृत वेबसाइट (www.audi.in) व ऑडी इंडिया डीलरशीपद्वारेही बुकिंग करता येईल. २०२१ वर्षातील हे ऑडीचे नववे प्रोडक्ट लाँचिंग राहणार आहे.
New Audi Q5 ची बुकिंग सुरू; लवकरच लाँच होणार
Next जर्मनीतील आलिशान कार निर्माता कंपनी ऑडीने आज भारतात आपल्या नव्या ऑडी क्यू ५ (New Audi Q5) साठी बुकिंग घेण्यास सुरुवात केली आहे. ही कार २ लाख रुपयांत बुक करता येणार आहे. ऑनलाइन बुकिंग अधिकृत वेबसाइट (www.audi.in) व ऑडी इंडिया डीलरशीपद्वारेही बुकिंग करता येईल.
ऑडी इंडियाचे प्रमुख बलबीरसिंह धिल्लन म्हणाले, “भारतातील ऑडीच्या क्यू परिवारात आम्ही आज ऑडी क्यू ५ ची भर घालत आहोत.२०२१ वर्षातील हे आमचे नववे प्रोडक्ट लाँचिंग राहणार आहे. ऑडी क्यू ५ ही आपल्या श्रेणीत अत्याधुनिक वैशिष्ट्ये, आराम आणि व्यवहार्यता यांचा परिपूर्ण संगम आहे. अगदी पहिल्याच नजरेत ऑडी क्यू ५ चे नवे डिझाइन भुरळ पाडते."
ऑडी क्यू ५ ही ४८.२६ सेंटीमीटर (आर १९) ५ डबल स्पोक स्टार स्टाइल अलॉय व्हील्स, ऑडी पार्क असिस्ट, कम्फर्ट की सेन्सर नियंत्रित बूट लिडची उघडझाप, एकमेव ऑडीतच उपलब्ध लाखेपासून निर्मित ब्लॅक पियानो इनलेज, ऑडी व्हर्च्युअल कॉकपिट प्लस, बीअँडओ प्रीमियम थ्रीडी साऊंड सिस्टिम फिचर्स देण्यात आली आहेत.
ऑडी क्यू ५ ही चारही चाकांसाठी डॅम्पिंग नियंत्रित सस्पेन्शन देण्यात आले आहे. २.० लिटरच्या शक्तिशाली टीएफएसआय इंजिन देण्यात आले आहे. तसेच त्यातील क्वॉट्रो ऑल-ड्राइव्ह यंत्रणा कोणत्याही प्रकारच्या रस्त्यांवर स्थैर्यता आणते. यात सुरक्षितता वाढवण्यासाठी मागील बाजूस २ एअरबॅग्जचाही अंतर्भावासह एकूण ८ एअरबॅग्जचा समावेश करण्यात आला आहे. औरंगाबादच्या प्लाँटमध्ये या कारचे उत्पादन काही दिवसांपूर्वीच सुरु करण्यात आले आहे. ही एसयुव्ही Mercedes-Benz GLC, Land Rover Discovery Sport आणि BMW X3 यांना टक्कर देणार आहे.