OLA ने जाहीर केला फ्लॅश सेल; सर्व EV स्कुटरवर मिळेल 26,750 रुपयांपर्यंतची सूट...

OLA Electric Holi Offers: होळीनिमित्त OLA ने हा फ्लॅश सेल जाहीर केला आहे. ऑफर कधीपर्यंत वैध असेल? जाणून घ्या...

OLA Electric Holi Offers: तुम्ही इलेक्ट्रिक स्कूटर घेण्याचा विचार करत असाल, तर तुमच्यासाठी मोठी बातमी आहे. देशातील आघाडीची EV मेकर ओला इलेक्ट्रिकने गुरुवारी त्यांच्या S1 सिरीजच्या इलेक्ट्रिक स्कूटरवर मर्यादित काळासाठी 'होली फ्लॅश सेल' जाहीर केला आहे. या सेल अंतर्गत ग्राहकांना S1 Air वर Rs 26,750 पर्यंत आणि S1 X+ (Gen-2) वर Rs 22,000 पर्यंत सूट मिळणार आहे. या मॉडेल्सची किंमत अनुक्रमे 89,999 रुपये आणि 82,999 रुपयांपासून सुरू होते.

फ्लॅश सेल 17 मार्चपर्यंत चालेल
फ्लॅश सेल 13 मार्चपासून सुरू होईल आणि 17 मार्च रोजी संपेल. कंपनी आपल्या S1 मालिकेतील उर्वरित स्कूटर्सवर 25,000 रुपयांपर्यंत सूट देत आहे, ज्यामध्ये S1 Gen-3 श्रेणीतील सर्व स्कूटर्सचा समावेश आहे. S1 Gen-2 आणि Gen-3 या दोन्हींसह कंपनीकडे स्कूटरचा पोर्टफोलिओ रु. 69,999 ते रु. 1,79,999 (उत्सवाच्या सवलतींनंतर) किंमतीच्या श्रेणींमध्ये उपलब्ध आहे.

कोणत्या स्कूटरवर किती सूट ?
ओला इलेक्ट्रिकने सांगितले की, ते 10,500 रुपयांपर्यंतचे फायदे देखील देत आहे. S1 Gen 2 स्कूटरचे नवीन खरेदीदार 2,999 रुपयांची एक वर्षाची मोफत Move OS+ आणि रु. 7,499 किमतीची 14,999 रुपयांची विस्तारित वॉरंटी घेऊ शकतात.

Gen-3 पोर्टफोलिओमध्ये फ्लॅगशिप S1 Pro+ 5.3 kWh आणि 4 kWh समाविष्ट आहे. त्यांची किंमत अनुक्रमे 1,85,000 रुपये आणि 1,59,999 रुपये आहे. चार kWh आणि तीन kWh बॅटरी पर्यायांमध्ये उपलब्ध S1 Pro ची किंमत अनुक्रमे Rs 1,54,999 आणि Rs 1,29,999 आहे.

s1X पोर्टफोलिओमधील दोन kWh साठी 89,999 रुपये, तीन kWh साठी 1,02,999 रुपये आणि चार kWh साठी 1,19,999 रुपये मोजावे लागतील. तर, S1 X+ चार kWh बॅटरी पॅकसह 1,24,999 रुपयांना मिळेल.