Ola Scooter: आधी आगीची घटना, आता झाले दोन तुकडे; Ola Scooter बाबत ग्राहकांचा संताप
By ऑनलाइन लोकमत | Published: May 25, 2022 09:16 PM2022-05-25T21:16:01+5:302022-05-25T21:16:08+5:30
Ola Electric Scooter: ओला स्टूकरला आग लागल्याच्या काही घटना घडल्या होत्या. त्यानंतर आता स्कूटरचे दोन तुकडे झाल्याची घटना घडली आहे. याबाबत अनेकजण ट्विटरवरुन कंपनीकडे तक्रार नोंदवत आहेत.
Ola Scooter: आधी आगीची घटना, आता झाले दोन तुकडे; Ola Scooter बाबत ग्राहकांचा संताप
Next Ola Scooter: आगीच्या घटनांमुळे चर्चेत आलेली ओला स्कूटर (Ola Scooter) आता नवीन प्रकरणामुळे चर्चेत आली आहे. एका व्यक्तीने त्याच्या ओला इलेक्ट्रिक स्कूटरचे दोन तुकडे झाल्याची तक्रार केली आहे. त्याने ट्विटरवर आपल्या गाडीचा फोटो शेअर करत कंपनीकडे दुसरी गाडी देण्याची मागणी केली आहे. त्याच्या या ट्विटनंतर अशाप्रकारच्या तक्रारींचा पाऊस पडतोय.
@OlaElectric@bhash
— sreenadh menon (@SreenadhMenon) May 24, 2022
The front fork is breaking even in small speed driving and it is a serious and dangerous thing we are facing now, we would like to request that we need a replacement or design change on that part and save our life from a road accident due to poor material usd pic.twitter.com/cgVQwRoN5t
स्कूटरचे पुढचे चाक वेगळे झाले
ट्विटरवर श्रीनाध मेनन नावाच्या व्यक्तीने ओला स्कूटरचे दोन तुकडे झाल्याची तक्रार केली. त्यांने आपल्या ट्विटमध्ये ओला इलेक्ट्रिक आणि कंपनीचे संस्थापक भाविश अग्रवाल (Bhavish Aggarwal) यांनाही टॅग केले आहे. या पोस्टमध्ये काळ्या रंगाच्या ओला स्कूटरचे पुढील चाक तुटलेले दिसत आहे. युजरने आपल्या पोस्टसह लिहिले की, 'कमी वेगाने गाडी चालवत असतानाही या स्कूटरचा पुढचा भाग तुटला. आता मी या गंभीर आणि धोकादायक परिस्थितीला तोंड देत आहे. मला स्कूटर बदलून हवीये.'
This is a misery that happened to me. The front fork got collapsed while hitting a wall at a speed of 25kmph in eco mode along an uphill side. Similar issue happened to some other customers in plain road also. Take this as a serious and most urgent problem and resolve it soon.
— ANAND LAVAKUMAR (@anandlavan) May 24, 2022
Hi, we’re going to connect with you over call shortly, so we can look into this and get back to you.
— Ola Electric (@OlaElectric) May 25, 2022
25 किमी प्रतितास वेगाने ओला स्कूटरचे दोन तुकडे झाले
मेनन यांच्या पोस्टनंतर सोशल मीडियावर ओला स्कूटर खराब झाल्याच्या तक्रारींचा पाऊस पडतोय. एकापाठोपाठ एक अनेकजण त्यांच्या ओला स्कूटरच्या गुणवत्तेबद्दल पोस्ट करत आहेत. एका व्यक्तीने ट्वीट केले की, त्याच्या ओला स्कूटरचा पुढचा भाग डोंगराळ रस्त्यावर फक्त 25 किमी प्रतितास वेगाने जात असताना तुटला. सपाट रस्त्यावरुन चालणाऱ्या वाहनचालकासोबतही अशीच घटना घडत आहे. यावर ओला इलेक्ट्रिकने उत्तर दिले की, ते लवकरच युझरशी बोलतील.
— fasil (@fasilfaaaz) May 24, 2022
— fasil (@fasilfaaaz) May 24, 2022
आग लागल्याची घटना
यापूर्वी पुण्यात ओला इलेक्ट्रिक स्कूटरला आग लागल्याचा व्हिडिओ व्हायरल झाला होता. पुण्यासह इतर काही भागांमध्येही अशाच प्रकारची घटना घडली. याशिवाय, अनेकांच्या स्कूटर अचानक बंद पडल्या आणि कंपनीकडूनही काही प्रतिसाद मिळाला नाही. अशा अनेक तक्रारी ग्राहक करत आहेत. ग्राहक सोशल मीडियावर अनेक दिवसांपासून ओलाच्या सॉफ्टवेअर तसेच स्पीड, रिव्हर्स मोड आणि इतर फिचर्समध्ये फॉल्ट असल्याच्या तक्रारी करत आहेत.