Royal Enfield च्या सर्वाधिक विकल्या जाणाऱ्या 3 बाइक्स; दुसऱ्या क्रमांकाची फक्त 1.5 लाख रुपयांची

जाणून घेऊयात, सप्टेंबर 2022 मध्ये रॉयल एनफिल्डच्या सर्वाधिक विक्री झालेल्या तीन बाइक्ससंदर्भात...

रॉयल एनफिल्डबाईक्सना भारतात जबरदस्त मागणी आहे. महत्वाचे म्हणजे, 350 सीसी सेगमेंटमध्ये सर्वाधिक विक्री होणारे मॉडेल्स याच कंपनीचे आहेत. Honda पासून ते Jawa आणि Yezdi पर्यंत अनेक कंपन्या Royal Enfield ला टक्कर देण्याचा प्रयत्न करत आहेत. मात्र त्यांना अद्याप यश मिळालेले नाही. Royal Enfield ने काही महिन्यांपूर्वी आपली Hunter 350 बाइक लॉन्च केली. या बाइकला ग्राहकांचा जबरदस्त प्रतिसाद मिळाला आहे. तर जाणून घेऊयात, सप्टेंबर 2022 मध्ये रॉयल एनफिल्डच्या सर्वाधिक विक्री झालेल्या तीन बाइक्सबद्दल.

1. Royal Enfield Classic 350 -
रॉयल एनफील्ड क्लासिक 350 (Royal Enfield Classic 350) ही अनेक वर्षांपासून कंपनीची सर्वाधिक विक्री होणारी बाइक आहे. कंपनीने गेल्या वर्षीच ही बाईक अपडेट केली आहे. यात कंपनीने तिला जे-सिरीज इंजिन दिले आहे. हे इंजिन अधिक स्मूथ आणि फ्यूअल इफिशिअन्ट आहे. सप्टेंबर 2022 मध्ये या बाईकच्या 27,571 युनिट्सची विक्री झाली आहे. गेल्या वर्षीच्या सप्टेंबर महिन्याच्या तुलनेत हे प्रमाण 101 टक्क्यांनी अधिक आहे.

2. Royal Enfield Hunter 350 -
कंपनीचे दुसरे सर्वाधिक विक्री होणारे मॉडेल म्हणजे, रॉयल एनफिल्ड हंटर 350 (Royal Enfield Hunter 350). हे मॉडे काही महिन्यांपूर्वी लॉन्च करण्यात आले होते. ही बाइक कंपनीच्या सर्वात स्वस्त बाइक्सपैकी एक आहे. हिची किंमत 1.49 लाख रुपयांपासून सुरू होते. सप्टेंबर 2022 मध्ये, रॉयल एनफिल्डने हंटरच्या 17,118 युनिट्सची विक्री केली. ही बाजारात नवीन मोटरसायकलसाठी चांगली सुरुवात आहे.

3. Royal Enfield Meteor 350
Royal Enfield चे सेप्टेंबर 2022 मध्ये तिसरे सर्वाधिक विकले गेलेले मॉडेल म्हणजे Meteor 350. ही कंपनीची एक क्रूझर बाइक आहे. जीच्यावर दूरचा प्रवासही आराम दायक होऊ शकतो. सप्टेंबर 2022 मध्ये, रॉयल एनफील्डने याबाइकच्या 10,840 यूनिट्सची विक्री केली आहे. तर गेल्यावर्षी सप्टेंबर महिन्यात या बाइकच्या फक्त 6,184 यूनिट्सचीच विक्री झाली होती.