टेस्लाला शाओमीचा धोबीपछाड! इलेक्ट्रीक कार SU7 भारतात या दिवशी लाँच होणार

Xiaomi SU7 in India: शाओमीची ही पहिलीच कार आहे. ही कार चार व्हेरिअंटमध्ये असणार आहे. एक एंट्री लेव्हल, एक प्रो, मॅक्स आणि एक लिमिटेड फाऊंडर्स एडिशन असणार आहे.

स्मार्टफोन बनविणारी कंपनी शाओमीने टेस्लाच्या भारतात येण्याच्या स्वप्नांना मागे टाकले आहे. शाओमी भारतीय वाहन बाजारात पाय रोवण्यास तयार झाली असून पहिली इलेक्ट्रीक सेदान Xiaomi SU7 ला भारतात लाँच करण्याची तयारी करत आहे. ही कार बंगळुरूमध्ये लाँच केली जाणार आहे. 

शाओमीची ही पहिलीच कार आहे. ही कार चार व्हेरिअंटमध्ये असणार आहे. एक एंट्री लेव्हल, एक प्रो, मॅक्स आणि एक लिमिटेड फाऊंडर्स एडिशन असणार आहे. ही सेदान सारखी जरी दिसत असली तरी एक प्रिमिअम कार असणार आहे. बंगळुरुमध्ये ९ जुलै रोजी ही कार लाँच केली जाणार आहे. 

कंपनीने चीनमध्ये या कारची बुकिंग सुरु केली आहे. या कारची किंमत 215,900 युआन ते 299,900 युआन ठेवण्यात आली आहे. भारतीय चलनामध्ये या कारची किंमत 25 ते 30 लाख रुपयांमध्ये असणार आहे. या कारचे नाव Xiaomi SU7 ठेवण्यात आले असून ही कार टेस्लाच्या सेदान कारसारखीच आहे. परंतू टेस्लाच्या Tesla Model 3 कारपेक्षा स्वस्त आहे. टेस्लाची कार चीनमध्ये 245,900 युआन पासून सुरुवातीच्या किंमतीमध्ये विकली जाते. 

एसयु ७ ही कार कंपनीचे स्मार्टफोन, हायपरओएससोबत ऑपरेटिंग सिस्टिम शेअर करते. बीजिंग ऑटोमोटिव इंडस्ट्री होल्डिंग कंपनी लिमिटेड या कारचे उत्पादन करत आहे. या कारमध्ये वेगवेगळ्या व्हील साईज पर्याय देण्यात येत आहे. या कारचे बेस मॉडेलचे वजन 1,980 किलोग्राम आहे. टॉप स्पीड 210 प्रति तास असून ६६८ किमीची रेंज देते. तर याचे वरचे व्हेरिअंट 2,205 किलो आहे. टॉप स्पीड 265 किमी असून 101kWh ची बॅटरी एका चार्जमध्ये ८०० किमीची रेंज देते.