TVS Ntorq 125 ची Race Edition नव्या कलर ऑप्शनमध्ये लॉन्च, जाणून घ्या किंमत

TVS NTorq Race Edition New Color : यापूर्वी, TVS NTorq रेस एडिशन दोन पेंट स्कीम- रेड-ब्लॅक आणि येलो-ब्लॅक मध्ये उपलब्ध होती.

TVS मोटरने आपल्या NTorq125 रेस एडिशन स्कूटर मॉडेल लाइनअपमध्ये एक नवा मरीन ब्लू कलर सादर केला आहे. अर्थात, कंपनीने NTorq125 रेस एडिशन मरीन ब्लू कलर लॉन्च केला आहे. या नव्या कलर व्हेरिअंटची किंमत 87,011 रुपये एवढी आहे. जी हिच्या इतर कलर व्हेरिअंट्सच्या तुलनेत जवळपास 500 रुपयांनी महाग आहे. 

यापूर्वी, TVS NTorq रेस एडिशन दोन पेंट स्कीम- रेड-ब्लॅक आणि येलो-ब्लॅक मध्ये उपलब्ध होती. आता या नव्या पेंट स्किम शिवाय, स्कूटरमध्ये इतर कुटलाही बदल केलेला नाही.  या स्कूटरला 125.8cc, सिंगल-सिलेंडर इंजीन आहे. जे 9.4bhp आणि 10.5Nm आउटपूट देते. ही स्कूटर केवळ 9 सेकंदांत 0 ते 60 किमी प्रति तास एवढा वेग घेऊ शकते. तसेच, 95 किमी प्रति तास एवढी तिची टॉप स्पीड आहे. 

याच बरोबर, हिचे अधिक पॉवरफुल व्हेरिअंट NTorq Race XP हे आहे. जे 10.06bhp आणि 10.8Nm डिलिव्हर करते. NTorq Race Editionची एकूण लांबी, रुंदी आणि उंची, अनुक्रमे, 1861mm, 710mm आणि 1164mm एवढी आहे. तर हिचे व्हीलबेस 1285mm एवढे आहे.