Video: 700 रुपयांत चिकूने थार मागितलेली; आनंद महिंद्रांनी असे सरप्राईज दिले की...

Trending Video Anand Mahindra: असे केले तर आमचे दिवाळे निघेल असे गंमतीशीर उत्तर आनंद महिंद्रांनी तेव्हा दिले होते.

डिसेंबरच्या अखेरीस आनंद महिंद्रा यांनी चिकू नावाच्या मुलाचा एक व्हिडीओ शेअर केला होता. चिकूने ७०० रुपयांत थार मिळेल का असे विचारले होते. यावर महिंद्रा यांनी त्या व्हिडीओवर असे केले तर आमचे दिवाळे निघेल असे गंमतीशीर उत्तर दिले होते. या चिकुला काही थार मिळाली नाही, परंतु महिंद्रांनी असे काही केले की ते पाहून तुम्हालाही आदर वाटेल.

या मुलाचा व्हिडीओ आनंद महिंद्रांना त्यांच्या एका निकटवर्तीयाने पाठविला होता. यावर आनंद महिंद्रांनी या चिकुचे इन्स्टावरील अन्य व्हिडीओ देखील पाहिले आणि ते त्याच्या प्रेमातही पडले होते. परंतु, आनंद महिंद्रा चिकुला ७०० रुपयांत कार देणार का? असा सवाल सोशल मीडियावर विचारला जात होता. महिंद्रांनी थार दिली नाही परंतु त्या चिमुकल्याला जिथे थार बनते त्या महिंद्रा कंपनीचा अख्खा प्लांट फिरवून दाखविला आहे. 

महिंद्रांनी दिलेले हे सरप्राईज चिकू काही आयुष्यभर विसरू शकणार नाहीय. चिकू महिंद्राच्या प्लांटमध्ये फिरतानाचा व्हिडीओ महिंद्रा यांनी एक्स अकाऊंटवरून शेअर केला आहे. या व्हिडीओत चिकूचा आधीचा ७०० रुपयांत थार देण्याचा व्हिडीओ जोडण्यात आला आहे. यानंतर चिकू महिंद्रा कंपनीच्या गेटवर आल्याचा आणि नंतर कंपनीत मौजमस्ती करतानाचा व्हिडीओ आहे. 

CHEEKU goes to CHAKAN.

From a viral video to a real-life adventure…Cheeku, the young Thar enthusiast, visited our Chakan plant, bringing smiles and inspiration with him.

Thank you @ashakharga1 and Team @mahindraauto for hosting one of our best brand ambassadors!

(And I’m… pic.twitter.com/GngnUDLd8X

— anand mahindra (@anandmahindra) February 1, 2024

चिकू चाकणच्या महिंद्राच्या प्लांटमध्ये गेला होता. आमच्या सर्वोत्तम ब्रँड ॲम्बेसेडरपैकी एक होस्ट केल्याबद्दल @ashakarga1 आणि टीम @mahindraauto चे धन्यवाद! असे म्हणत आतातरी चिकू त्याच्या वडिलांना ७०० रुपयांना थार विकत घ्या असे म्हणणे थांबवेल, असे म्हणाले आहेत. या व्हीडिओत चिकू ७०० रुपयांत थार घेऊ शकत नाही, पण पाहू तर शकतो, असे बोलताना दिसत आहे.