World Badminton Championships 2018 : किदम्बी श्रीकांत सुसाट, उपउपांत्यपूर्व फेरीत दाखल
By ऑनलाइन लोकमत | Published: August 1, 2018 10:36 AM2018-08-01T10:36:02+5:302018-08-01T10:36:25+5:30
भारताचा प्रमुख खेळाडू किदम्बी श्रीकांतने जागतिक अजिंक्यपद बॅडमिंटन स्पर्धेत विजयी धडाका कायम राखताना उपउपांत्यपूर्व फेरीत प्रवेश केला.
World Badminton Championships 2018 : किदम्बी श्रीकांत सुसाट, उपउपांत्यपूर्व फेरीत दाखल
नानजिंग (चीन) : भारताचा प्रमुख खेळाडू किदम्बी श्रीकांतने जागतिक अजिंक्यपद बॅडमिंटन स्पर्धेत विजयी धडाका कायम राखताना उपउपांत्यपूर्व फेरीत प्रवेश केला. त्याने बुधवारी झालेल्या लढतीत स्पेनच्या पॅब्लो अॅबीयनचे आव्हान 21-15, 12-21, 21-14 असे मोडून काढले. पुढील फेरीत त्याला मलेशियाच्या डॅरेन लिएवचा सामना करावा लागणार आहे.
Perfect start to the day!🏸🇮🇳👌@srikidambi beats Pablo Abian of 🇪🇸 21-15; 12-21;21-14 to ensure place in the Pre Quarters of the #WorldChampionship2018. Srikanth will face off with Daren Liew of Malaysia tomorrow. #IndiaontheRisepic.twitter.com/CjGPjjVRxC
— BAI Media (@BAI_Media) August 1, 2018
श्रीकांतने पहिला गेम 21-15 असा सहज जिंकला, परंतु स्पेनच्या खेळाडूने दुस-या गेममध्ये दमदार पुनरागमन केले. त्याने 6-6 अशा बरोबरीनंतर खेळातील दर्जा उंचावताना 21-12 अशा विजयासह ही लढत 1-1 अशा बरोबरीत आणली. मात्र, श्रीकांतने तिस-या व निर्णायक गेममध्ये दमदार स्मॅश आणि नेट प्लेसिंगचा खेळ करताना 21-14 असा विजय मिळवला.
Exciting @Pablo_Abian Save and smash vs. Kidambi #TOTALBADMINTON#TOTALBWFWC2018pic.twitter.com/IPquBkao2h
— BWF (@bwfmedia) August 1, 2018
श्रीकांतला पुढील सामन्यात मलेशियाच्या डॅरनेचा सामना करावा लागेल. डॅरेनने इस्राईलच्या मिशा झिल्बेर्मनचा 12-21, 21-17, 21-10 असा पराभव केला आहे.
