Birthday Special : 'हे' आहे रेखाच्या सदाबहार सौंदर्याचं गुपित!

बॉलिवूडची सौंदर्यवती रेखाच्या अदांवर तर सगळेचजण घायाळ आहेत. या वयातही त्यांनी स्वतःला इतकं मेन्टेन ठेवलं आहे की, इतर नवख्या अभिनेत्रींचाही त्यांच्यापुढे निभाव लागत नाही. आजही ती कुठेही गेली तरीदेखील सर्वांच्या नजरा तिच्याकडे वळतात. प्रत्येकजण तिच्या या सौंदर्याचं गुपित जाणून घेण्यासाठी उत्सुक आहे. जाणून घेऊयात बॉलिवूडच्या सर्वात सुंदर अदाकारांमध्ये गणल्या जाणाऱ्या रेखाच्या सौंदर्यामागील काही टिप्स...

बॉलिवूडमध्ये जेव्हा सर्व अभिनेत्री ड्राय मेकअपच्या शौकीन होत्या, त्यावेळी रेखाने ग्लोइंग मेकअपचा ट्रेंड इंडस्ट्रीमध्ये आणला होता. त्यानंतर सर्व अभिनेत्री रेखाच्या मेकअप ट्रिक्स फॉलो करू लागल्या होत्या.  

रेखा आपल्या चित्रपटांसाठी आपला मेकअप स्वतः करत असे, एवढचं नाही तर एखाद्या इवेंट आणि फंक्शनसाठी ती स्वतः तयारी करत. आताही आपले आउटफिट्स ती स्वतःच ठरवते. अद्यापही ती हाच ट्रेन्ड फॉलो करत आहेत. 

रेखा आपल्या चेहरा चमकदार करण्यासाठी कोणत्याही केमिकल प्रोडक्ट्सचा वापर करत नाहीत. त्यासाठी ती दिवसातून 8 ग्लास पाणी नक्की पितात. त्याचप्रमाणे ती योगाला फार महत्त्व देतात. त्या असं म्हणतात की, आपण अशाच कपड्यांची निवड करावी, जे आपल्यावर शोभून दिसतील. बनारसी साडी रेखाजींचा स्टाइल सिंम्बल आहे. 

अभिनेत्री रेखाला ऐजलेस ब्यूटीच्या किताबाने सन्मानित करण्यात आलं आहे. रेखाची स्टाइल इतरांपेक्षा फार वेगळी आहे. रेखाने आपल्या अनेक इंटरव्हूमध्ये सांगितले आहे की, 'सुंदर दिसण्यासाठी उपाशी राहण्याची गरज नाही.' ती फास्टफूडपासून दूर रहाते. तिचा असा समज आहे की, उपाशी राहून डाएट केल्याने आपण कमजोर होतो बारिक नाही.