आयब्रो केल्यानंतर जळजळ होते का? 'या' टिप्स करतील मदत!

डोळ्यांचं सौंदर्य वाढविण्यासाठी अनेक महिला आयब्रो करतात. अनेकदा थ्रेडिंग केल्यानंतर त्या  ठिकाणच्या त्वचेवर जळजळ येणं, सूज येणं किंवा त्वचा लालसर होणं यांसारख्या त्वचेच्या समस्या उद्भवतात. तसेच अनेक महिलांना थ्रेडिंग केल्यानंतर फक्त त्वचेला जळजळ होते. थ्रेडिंग करणं फार सोपा आणि सहज होणारा उपाय आहे. कारण त्यामध्ये कोणत्याही केमिकल्सची गरज लागत नाही. केमिकल असणाऱ्या प्रोडक्ट्सचा त्वचेवर वापर करणं अनेकदा नुकसानदायक ठरतं त्या तुलनेत थ्रेडिंग करणं फायदेशीर ठरतं. जर तुम्हाला थ्रेडिंग केल्यानंतर जळजळ होत असेल तर त्यापासून सुटका करून घेण्यासाठी क्रिमचा वापर करू नका. अनेकदा डॉक्टरांच्या किंवा तज्ज्ञांच्या सल्याशिवाय क्रिमचा वापर केल्यास त्वचेला साइड इफेक्ट्स होतात. त्यापेक्षा घरगुती उपायांनी तुम्ही या त्रासापासून सुटका करून घेऊ शकता. 

थ्रेडिंग केल्यानंतर टोनरचा वापर करा

टोनरमध्ये कूलिंग इफेक्ट असतात. जे थ्रेडिंग केल्यानंतर होणाऱ्या जळजळीपासून सुटका करण्यास फायदेशीर ठरतं. त्यामुळे सूजही कमी होते. एका कापसाच्या बोळ्यावर थोडं टोनर घेवून ते जळजळ होत असलेल्या त्वचेवर लावा. थ्रेडिंगमुळे त्वचेचे पोर्स ओपन होतात. टोनर त्वचेचं पोर्स बंद करण्यासाठी फायदेशीर ठरतं. 

बर्फामुळे जळजळीपासून सुटका 

लाल झालेल्या त्वचेसोबतच सूज आणि जळजळीवर बर्फ परिणामकारक ठरतो. थ्रेडिंग केल्यानंतर जेव्हाही त्या भागावर लाल चट्टा तयार झाल्यास किंवा जळजळ होत असल्यास आइस क्यूबने मसाज करा. 

दूध

दूधामध्ये असलेले प्रोटीन थ्रेडिंग केल्यानंतर होणारी जळजळ, त्वचेवरील लाल चट्टे आणि सूज दूर करण्यासाठी फायदेशीर ठरतात. दूध कापसाच्या मदतीने प्रभावित झालेल्या त्वचेवर लावा. 

काकडी

काकडीमध्ये एनजेसिक इफेक्ट्स असतात. जे थ्रेडिंगनंतर होणारी जळजळ दूर करण्यासाठी फायदेशीर ठरतात. याव्यतिरिक्त यामध्ये अॅन्टी-ऑक्सिडंट असतात. जे आयब्रोच्या आसपासच्या त्वचेवर होणारी जळजळ आणि सूज कमी करण्यासाठी फायदेशीर ठरतात. काकडीचा तुकडा 10 मिनिटांसाठी आयब्रोवर ठेवल्याने जळजळ दूर होण्यास मदत होते. 

कोरफडीचं जेल 

त्वचेवर होणारी जळजळ आणि लाल चट्टे दूर करण्यासाठी कोरफडीचा गर फायदेशीर ठरतो. कोरफडीचं जेल आयब्रोच्या आजूबाजूच्या त्वचेवर लावा. कोरफडीमध्ये कूलिंग इफेक्ट असतात. जे जळजळ दूर करण्यासाठी फायदेशीर ठरतात.