बायपासवर बंद पडलेल्या ट्रकवर कंटेनर धडकले; चालक ठार
By ऑनलाइन लोकमत | Published: July 26, 2022 03:29 PM2022-07-26T15:29:02+5:302022-07-26T15:29:45+5:30
अंदाज न आल्याने कंटेनर ट्रकवर पाठीमागून धडकला.
बायपासवर बंद पडलेल्या ट्रकवर कंटेनर धडकले; चालक ठार
Next गेवराई (बीड) : शहरा बाहेरून जाणाऱ्या बायपासवर मंगळवारी मध्यरात्री बंद पडलेल्या ट्रकवर कंटेनर धडकून झालेल्या अपघातात चालक ठार झाला. शेख हमीद बनेमियाॅ ( ३५, कोळेवडगावं ता. पैठण जि. औरंगाबाद ) असे मृत चालकाचे नाव आहे.
याबाबत अधिक माहिती अशी की, जालनाहून सोलापुरकडे सळई घेऊन जाणारा ट्रक ( एम.एच.१४ बी.जी ०८५२ ) मंगळवारी रात्री २ वाजेच्या सुमारास गेवराई बायपासवर नादुरुस्त झाल्याने बंद पडला. त्यावेळी औरंगाबादहून बीडकडे एक कंटेनर ( एम.एच.२० डी.ई.४४३३ ) याच मार्गे जात होता. अंदाज न आल्याने कंटेनर ट्रकवर पाठीमागून धडकला. यात चालक शेख हमीद बनेमियाॅ हा गंभीर जखमी झाला. त्याला उपचारासाठी उपजिल्हा रुग्णालयात दाखल करण्यात आले. मात्र, उपचारादरम्यान त्याचा मृत्यू झाला. या प्रकरणी गेवराई पोलीसांनी घटनेचा पंचनामा केला असून अद्याव गुन्हा दाखल करण्यात आला नव्हता.