पंकजा मुंडेंच्या एका हाकेवर लाखोंचा जनसागर येतो; त्यांना मंत्रिपद द्या: महादेव जानकर 

हा पैसे देऊन होणार मेळावा नाही; जनतेच्या भावना आहेत पंकजा मुंडेंना मंत्रिपद द्यावे

सावरगाव घाट ( बीड) : भगवान भक्ती गड येथील मेळावा हा पैसे देऊन होणारा मेळावा नाही. पंकजा मुंडे यांच्या एका हाकेवर लाखोंचा जनसमुदाय गडावर येतो. आमची मागणी आहे पंकजा यांना मंत्रीपदाची संधी द्यावी. आज त्या स्वतःच्या हेलिकॉप्टरने आल्या आहेत पण पुढच्या वर्षी सरकारी हेलिकॉप्टरने येथे याव्यात. ही मागणी खा. सुजय विखे यांनी पंतप्रधान नरेंद्र मोदी यांच्याकडे पोहचवून त्यासाठी प्रयत्न करावेत, असे आवाहन माजी आमदार रासप नेते महादेव जानकर यांनी आज केले.  

रासपचे महादेव जानकर भगवान भक्तीगडावर होणाऱ्या दसरा मेळाव्यात उपस्थित आहेत. येथे मनोगत व्यक्त करताना जानकर यांनी हा मेळावा पैसे देऊन होणारा नाही. पंकजा मुंडे यांच्या एका ट्विटने लाखो लोक येथे आले आहेत. यावेळ पंकजा स्वतःच्या हेलिकॉप्टरने आल्या पण पुढच्या वर्षी सरकारच्या हेलिकॉप्टरने याव्यात. त्यांना राज्य सरकारमध्ये मंत्रिपद द्यावे अशी मागणी जानकर यांनी केली. 

सुजय विखेंना केला आवाहन 
पंकजा मुंडे यांच्या एका ट्विटवर लाखो लोक येथे आले आहेत. ही ताकद पंकजा मुंडे यांची आहे. खा. सुजय विखे तुम्ही हे पंतप्रधान मोदी यांना सांगा. त्यांच्या मंत्रिपदासाठी प्रयत्न करा, असे आवाहनही जानकर यांनी केले.