चोऱ्यांवर नियंत्रण आणा

डांबरीकरणाची मागणी

धारूर : येथील बसस्थानक परिसरातील सर्व डांबरीकरण उखडल्यामुळे प्रवाशांना त्रास सहन करावा लागत आहे. बस मागे- पुढे होताना खडीचे दगड उडून लागण्याचे प्रकार होतात. यामुळे प्रवासी वैतागून गेले आहेत व जीव मुठीत घेऊन त्यांना चालावे लागते. त्यामुळे डांबरीकरणाची मागणी आहे.

नियमांची एैशीतैसी

अंबाजोगाई : अंबाजोगाई शहर व परिसरात दुचाकी वाहनचालक व ऑटोरिक्षा चालक नियमांचे उल्लंघन करताना दिसून येत आहेत. शहरी व ग्रामीण भागात हे चित्र पाहायला मिळत आहे. पार्किंगही रस्त्यावर होते आहे. यामुळे वाहतूक कोंडी वाढतच आहे.

शेकोट्यांची ऊब

कडा : यंदाच्या वर्षी तालुक्यात वेळेवर समाधानकारक पाऊस झाल्याने मोठ्या प्रमाणावर नदी नाले तलावात पाणीसाठा आहे. थंडीला सुरूवात झाली असून ग्रामीण भागात ठिकठिकाणी शेकोट्या पेटवल्या जात आहेत.