coromavirus : धक्कादायक ! बीडमध्ये कोरोनाचा पहिला बळी; ६५ वर्षीय महिलेचा मृत्यू

मुंबईहून परतलेल्या महिलेस कोरोनाची लागण झाली होती

बीड : आष्टी तालुक्यातील सांगवी (पाटण )येथे कोरोनाबाधित आढळलेल्या ६५ वर्षिय महिलेचा पहाटे मृत्यू झाला. कालच तिच्यासह सात जणांचे अहवाल पाॅझिटिव्ह आले होते. मुळची पिंपळगाव ( ता.जि.नगर) येथील ती रहिवासी असून मुंबईहून  सांगवी येथे नातेवाईकाकडे आली होती. जिल्ह्यात कोरोनाचा पहिला बळी गेला. उपचारादरम्यान सोमवारी पहाटे महिलेचा मृत्यू झाल्याची माहिती आरोग्य विभागाने दिली.