CoronaVirus : बीडमधील सर्व १५ संशयितांचे अहवाल निगेटिव्ह
By लोकमत न्यूज नेटवर्क | Published: April 3, 2020 06:48 PM2020-04-03T18:48:26+5:302020-04-03T19:26:12+5:30
बीडमधील १३ व अंबाजोगाईतील २ असे १५ स्वॅब तपासणीला घेऊन प्रयोगशाळेत पाठविले होते.
CoronaVirus : बीडमधील सर्व १५ संशयितांचे अहवाल निगेटिव्ह
Next
बीड : जिल्ह्यात १५ कोरोना संशयितांना आयसोलेशन वॉर्डमध्ये दाखल केले होते. त्यांचे स्वॅब प्रयोगशाळेत पाठविले होते. शुक्रवारी सायंकाळी त्यांचा अहवाल आला असून सर्वला सर्व निगेटिव्ह आले आहेत.
बीड जिल्हा रुग्णालय व अंबाजोगाई स्वाराती रुग्णालयात कोरोना संशयित रुग्णांसाठी आयसोलेशन वॉर्ड तयार करण्यात आलेले आहेत. आतापर्यात दोन्हीकडे मिळून ५५ लोक दाखल झाले होते. गुरूवारी बीडमधील १३ व अंबाजोगाईतील २ असे १५ स्वॅब तपासणीला घेऊन प्रयोगशाळेत पाठविले होते. त्या सर्वांचा अहवाल निगेटिव्ह आला आहे. सध्या ६ रुग्ण आयसोलेशनमध्ये डॉक्टरांच्या निगराणीत असून सर्वांची प्रकृती ठणठणीत असल्याचे आरोग्य सूत्रांकडून सांगण्यात आले. ४९ लोकांना घरी पाठविण्यात आले आहे.
