कवडगावमध्ये धाडसी चोरी; अडीच लाखांचा ऐवज घेऊन चोरटे पसार

गेवराई तालुक्यातील कवडगावजवळ घुगे वस्तीवर गोरख आघाव हे त्यांच्या कुटुंबांसह वास्तव्यास आहेत. शुक्रवारी रात्री उशिरा जेवण करून हे कुटुंब झोपी गेले. यानंतर रात्री एक वाजेच्या सुमारास अज्ञात चोरट्यांनी गोरख आघाव यांच्या घरात प्रवेश केला. घरातील एका डब्यात ठेवलेली कापूस विक्रीची दीड लाखांची रक्कम तसेच सुटकेसमधील तीन तोळे सोने असा मिळून जवळपास अडीच लाखांचा ऐवज चोरट्यांनी चोरून नेला. दरम्यान, दोन वाजेच्या सुमारास आघाव यांना जाग आल्यानंतर घरातील अस्ताव्यस्त पडलेल्या सामानावरून हा प्रकार समोर आला. याबाबत माहिती मिळताच पोलीस उपनिरीक्षक डिगांबर पवार यांनी कर्मचाऱ्यांसह घटनास्थळी दाखल होत पंचनामा केला. याप्रकरणी चकलांबा पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे.

===Photopath===

040421\img-20210404-wa0225_14.jpg