मंदिरे खुली करण्याची मागणी

---------------------------------------

शहर स्वच्छतेसाठी पालिकेची मोहीम

अंबाजोगाई : शहरातील विविध भागांत दैनंदिन सकाळच्या सुमारास घरोघरी जाऊन घंटागाडीद्वारे ओला व सुका कचरा संकलित केला जात आहे. या माध्यमातून स्थानिक नगरपरिषदेने शहर स्वच्छतेकडे विशेष लक्ष पुरविणे सुरू केले आहे. पालिकेच्या या उपक्रमामुळे नागरिकांतून समाधान व्यक्त केले जात आहे.

----------------------------------------

बाजारपेठेत गर्दी न करण्याचे आवाहन

अंबाजोगाई : कोरोना संसर्गाची दुसरी लाट आता नियंत्रणात आहे. मात्र, तिसऱ्या लाटेची शक्यता वर्तविण्यात येत असून नागरिकांनी नियमांचे पालन करावे. बाजारपेठेत अनावश्यक गर्दी करू नये, असे आवाहन उपजिल्हाधिकारी शरद झाडके यांनी केले आहे.

---------------------------------------

अंबाजोगाईत खराब रस्त्यांमुळे वाहनचालकांची गैरसोय

अंबाजोगाई : अंबाजोगाई शहरातील अंतर्गत रस्त्यांची मोठ्या प्रमाणात दुरवस्था झाली आहे. ठिकठिकाणी खड्डे पडले असून वाहनचालकांची गैरसोय होत आहे. स्थानिक नगर पालिकेने या समस्येकडे लक्ष पुरवून अंतर्गत मुख्य रस्त्यांची विनाविलंब दुरुस्ती करावी, अशी मागणी जोर धरत आहे.

-------------------------------------

ग्रामीण भागात सर्दी, खोकल्याच्या रुग्णांची तपासणी

अंबाजोगाई : सर्दी, खोकला, ताप आदी आजार असलेल्या रुग्णांवर वेळीच उपचार व्हावेत म्हणून अंबाजोगाई तालुका आरोग्य विभागाने मोहीम सुरू केली आहे. या अंतर्गत ग्रामीण भागात अनेक रुग्णांची तपासणी करण्यात आली. यावेळी अनेकांनी याचा लाभ घेतला.