महामार्गावर नामफलक लावण्याची मागणी

-----------------------

पदोन्नती देण्याची कर्मचाऱ्यांची मागणी

अंबाजोगाई : शासकीय कार्यालयातील कर्मचाऱ्यांची बदली करण्यापूर्वी पदोन्नती करावी, अशी मागणी कर्मचाऱ्यांनी वारंवार केली आहे. मात्र, या मागणीकडे आजपर्यंत दुर्लक्षच करण्यात आले आहे. तरी या कर्मचाऱ्यांच्या पदोन्नतीबाबत तातडीने निर्णय घ्यावा, अशी मागणी होत आहे.

---------------------------

वाढत्या वीज बिलामुळे ग्राहक त्रस्त

अंबाजोगाई : महावितरण कंपनीकडून वारंवार वीज दरवाढ, अतिरिक्त शुल्क तर कधी अतिरिक्त सुरक्षा रकमेची देयके पाठविली जात आहेत. या मनमानी कारभाराने त्रस्त असलेल्या वीज ग्राहकांमध्ये प्रचंड असंतोष पसरला आहे. ही वाढती महागाई व सतत वाढत जाणारे वीज बिल यामुळे वीज ग्राहक त्रस्त झाले आहेत. शासनाने यासंदर्भात ठोस उपाययोजना कराव्यात. वीज ग्राहकांना दिलासा द्यावा, अशी मागणी सामाजिक कार्यकर्ते कल्याण काळे यांनी केली आहे.

-----------------------

रस्त्यावरील सांडपाण्याने आरोग्य धोक्यात

अंबाजोगाई : तालुक्यातील अनेक गावांमध्ये स्वच्छता मोहीम रखडल्याने नाल्या सांडपाण्याने भरल्या आहेत. परिणामी, नागरिकांचे आरोग्य धोक्यात आले आहे. यासंदर्भात नागरिकांनी तक्रारी करूनही ग्रामपंचायत प्रशासन लक्ष देत नसल्याचा आरोप नागरिकांकडून होत आहे. त्यामुळे नागरिकांत रोष आहे.

------------------------

विजेच्या लपंडावाने नागरिक त्रस्त

अंबाजोगाई : तालुक्यातील वीजपुरवठा नेहमी खंडित होत असल्याने नागरिक त्रस्त झाले आहेत. या समस्येकडे वीज वितरण कंपनीचे दुर्लक्ष होत आहे. त्यामुळे नागरिकांची अनेक शासकीय कामे खंडित होत आहेत. याकडे लक्ष देण्याची मागणी होत आहे.

-------------------------

ग्रामीण भागात शौचालयांचा गैरवापर

अंबाजोगाई : परिसरातील अनेक गावांतील शौचालयांमध्ये गोवऱ्या, सरपणाची लाकडे, निरुपयोगी वस्तू नागरिक भरून ठेवतात. त्यामुळे ग्रामीण भागात शौचालयाचा गैरवापर होत आहे. तरी नागरिकांनी आपल्या आरोग्याची काळजी घेण्यासाठी शौचालयांचा वापर करावा, असे आवाहन ग्रामपंचायतीमार्फत करण्यात येत आहे.