वाण धरणात पाणी सोडण्याची मागणी

महादेव किरवले यांचा सत्कार

सिरसाळा : राज्याच्या शिक्षणमंत्री वर्षा गायकवाड यांचे ओएसडी म्हणून नियुक्ती झाल्यामुळे सिरसाळा येथील ग्रामपंचायत कार्यालयात किरवले यांचा सत्कार करण्यात आला. यावेळी आंबेडकरी विचारांचा प्रसार करणारे चंद्रशेखर वडमारे यांची उपस्थिती होती. यावेळी रामराव किरवले, मधुकर किरवले, बाळासाहेब किरवले, संतोष पांडे, प्रथमेश देशपांडे, खंडू लगसकर आदींची उपस्थिती होती.

उघड्या रोहित्रामुळे अपघाताचा धोका

बीड : तालुक्यातील चौसाळा येथील मोंढा परिसरात असलेले विद्युत रोहित्र उघडे असून, त्याचे फ्यूज फुटलेले आहे. तुटक्या फ्यूजआधारे वीजपुरवठा सुरू आहे. रोहित्र उघडे असल्याने या परिसरात अपघात होण्याचा धोका नाकारता येत नाही. महावितरणच्या संबंधित कर्मचाऱ्यांनी तातडीने नवे फ्यूज बसवण्याची मागणी होत आहे. परंतु अद्यापही या मागणीकडे दुर्लक्ष केले जात असल्याने धोका वाढतच चालला आहे.