सुरळीत पाणीपुरवठ्याची मागणी

अंबाजोगाईत गॉगल्स विक्री वाढली

अंबाजोगाई : अंबाजोगाई तालुक्यात दिवसेंदिवस उन्हाची तीव्रता वाढू लागली आहे. वाढत्या उन्हाचा डोळ्याला त्रास होऊ नये व डोळ्यांचे संरक्षण व्हावे, यासाठी विविध रंगांचे आकर्षक गॉगल्स बाजारात विक्रीसाठी दाखल झाले आहेत. अशा गॉगल्सची खरेदी युवकांकडून मोठ्या प्रमाणात होऊ लागली आहे. बाजारात विविध आकारांच्या फ्रेम्स, सूर्यकिरणरोधक काचांच्या गॉगल्सना मागणी आहे.

घरकुलाचे हप्ते थकले

बीड : कित्येक महिन्यांपासून बांधकाम पूर्ण झालेल्या घरकुलांचे थकलेले हप्ते नगर परिषदेकडून लाभार्थींच्या खात्यावर टाकण्यात आलेले नाहीत. याबाबत मागणी करूनदेखील आश्वासनाशिवाय लाभार्थींना काहीही मिळत नसल्याचे चित्र आहे.

रसदार फळांना मागणी

बीड : येथील बाजारपेठेत टरबूज, खरबूज, द्राक्षे, तसेच इतर रसदार फळांची विक्री वाढली आहे. सध्या उन्हाळ्याच्या पार्श्वभूमीवर या फळांची मागणी वाढत आहे. यामुळे आवकही या फळांची मोठ्या प्रमाणात सुरू आहे. सी व्हिटॅमिनच्या फळांना मागणी असून, परवडणारे दर असल्याने ग्राहकही फळांची मोठ्या प्रमाणात खरेदी करत आहेत.