माधव जाधव यांची काँग्रेसच्या पार्लमेंटरी बोर्ड सदस्यपदी निवड

भारतीय राष्ट्रीय काँग्रेसचे राष्ट्रीय सरचिटणीस के. सी. वेणुगोपाल यांनी दिल्लीहून ३७ जणांची महाराष्ट्र प्रदेश काँग्रेस पार्लमेंटरी बोर्ड (संसदीय समिती) यादी जाहीर केली. या यादीमध्ये नूतन प्रदेशाध्यक्ष तथा अखिल भारतीय किसान काँग्रेसचे राष्ट्रीय अध्यक्ष नानाभाऊ पटोले यांच्या शिफारशीमुळे अखिल भारतीय काँग्रेस कमिटी अंतर्गत असणाऱ्या किसान सेल या विभागाचे स्टेट चेअरमन यांना या मध्ये समाविष्ट करण्यात आलेले आहे. त्यामध्ये किसान काँग्रेसचे मराठवाडा अध्यक्ष ॲड. माधव जाधव यांचा समावेश स्टेट चेअरमन किसान सेल म्हणून केला आहे. सर्वसामान्यांच्या तसेच शेतकरी, कष्टकरी वर्गाच्या प्रश्नांसाठी आक्रमक भूमिका घेऊन अनेक आंदोलने ॲड. जाधव यांनी केलेली आहेत. त्यांच्या निवडीचे स्वागत होत आहे.