घटस्फोटानंतरही भेटायला आला अन् पोलिस पत्नीवर अत्याचार करून गेला

माझ्याविरोधात गुन्हा दाखल केलास तर मी मुलांना कायमचा घेऊन जाईल, अशी धमकी देखील दिली

बीड : दोन वर्षापूर्वी रितसर घटस्फोट झाला. त्यानंतरही मुलांना भेटण्याचे कारण पुढे करत घरी आला. त्यानंतर पोलिस असलेल्या पत्नीवर जबरदस्ती अत्याचार केला. ही घटना ५ सप्टेंबर रोजी सकाळी ९ वाजता बीड शहरात घडली. याप्रकरणी पतीविरोधात बीड शहर ठाण्यात गुन्हा दाखल झाला आहे.

पीडिता ही पोलिस आहे. गेवराई तालुक्यातील एका गावातील तरूणासोबत तिचा विवाह झाला होता. परंतू दोन वर्षांपूर्वी दोघांच्या सहमतीने त्यांच्यात घटस्फोट झाला. त्यामुळे पीडिता एकटीच बीड शहरात आपल्या मुलांसमवेत रहात होती. ५ सप्टेंबर रोजी तिचा पती हा मुलांना भेटण्याचे कारण सांगत सकाळी घरी आला. त्यानंतर पीडितेवर जबरदस्ती अत्याचार केला. मारहाणही करण्यात आली. तसेच माझ्याविरोधात गुन्हा दाखल केलास तर मी मुलांना कायमचा घेऊन जाईल. तुला भेटू देणार नाही अशी धमकी दिली. त्यानंतर पीडितीने बीड शहर पोलिस ठाणे गाठत फिर्याद दिली. त्यावरून पतीविरोधात गुन्हा दाखल करण्यात आला आहे. तपास सहायक पोलिस निरीक्षक अंतरप हे करत आहेत. आरोपी फरार असून त्याचा शोध सुरू असल्याचे अंतरप यांनी सांगितले.