उघडी रोहित्रे धोकादायक
By लोकमत न्यूज नेटवर्क | Published: July 17, 2021 04:26 AM2021-07-17T04:26:40+5:302021-07-17T04:26:40+5:30
बिनव्याजी कर्ज देण्याची मागणी वडवणी : तालुक्यातील शेतकऱ्यांना खरीप हंगामासाठी बिनव्याजी ३ लाख रुपयांपर्यंत कर्ज देण्यात यावे, अशी मागणी ...
बिनव्याजी कर्ज देण्याची मागणी
वडवणी : तालुक्यातील शेतकऱ्यांना खरीप हंगामासाठी बिनव्याजी ३ लाख रुपयांपर्यंत कर्ज देण्यात यावे, अशी मागणी शेतकऱ्यांनी केली आहे.
नियमित कर्जाची परतफेड करणाऱ्या शेतकऱ्यांना प्रोत्साहनपर ५० हजार रुपये तत्काळ वाटप करण्यात यावे, अशी मागणीही होत आहे.
सार्वजनिक शौचालयांची दुरवस्था
वडवणी : शहरातील बाजारतळावर उभारलेल्या सार्वजनिक शौचालयाची दुरवस्था झाली असून, या ठिकाणी पाणी उपलब्ध नसल्याने उघड्यावर व्यावसायिक व्यापारी कामगार नागरिकांना लघुशंका करावी लागत असल्याने घाणीचे साम्राज्य पसरले आहे यामुळे दुर्गंधी पसरली आहे. तत्काळ शौचालयाची स्वच्छता करण्याची मागणी होत आहे.
हातपंपाचे पाणी आटल्याने भटकंती
शिरुर कासार : यावर्षी उशिरा का होईना उन्हाची तीव्रता वाढल्याने ग्रामीण भागातील हातपंपाची पाणी पातळी आटल्याने नागरिकांची पाण्यासाठी भटकंती होत आहे. नळ योजना नसलेल्या भागात नागरिकांना केवळ हातपंपाचा आधार आहे. परंतु हातपंप आटल्याने पाणी आणण्यासाठी दूरवर जावे लागत आहे. त्यामुळे ग्रामीण भागातील महिलांना पाण्यासाठी भटकंती करावी लागत आहे.
कमी-जास्त प्रवाहाने वीजपुरवठा
धारुर : शहरासह ग्रामीण भागातील वीजपुरवठा सातत्याने खंडित व कधी कमी तर कधी जास्त दाबामुळे वीजपुरवठा होत आहे. खंडित वीजपुरवठ्यामुळे वीज ग्राहकांना गैरसोयीचा सामना करावा लागत आहे. शिवाय शेतकऱ्यांनाही पिकांना पाणी देताना विजेची वाट पाहावी लागते. सुरळीत वीजपुरवठ्याची मागणी होत आहे.