आत्महत्येस प्रवृत्त केल्याप्रकरणी पाच जणांवर गुन्हा

: ऊस तोडणीसाठी घेतलेल्या उचलीच्या पैशासाठी तगादा लावल्याने तालुक्यातील गोविंदपुर येथील सुभाष समिंदर गायकवाड याने आत्महत्या केली. आत्महत्येस प्रवृत्त केल्याप्रकरणी पाच जणांवर गुन्हा दाखल करण्यात आला.

गोविंदपुर येथील दगडू सखाराम शिंदे या पोट मुकादमाकडून सुभाष समिंदर गायकवाड (३७) याने ऊस तोडणीसाठी उचल घेतली होती. उचल तसेच बाकी राहिलेल्या पैशासाठी वारंवार तगादा लावण्यात येत होता. या मानसिक त्रासाला कंटाळून शनिवारी संध्याकाळी सुभाष गायकवाड याने राहत्या घरी पत्राच्या अडुला गळफास घेऊन आत्महत्येचा प्रयत्न केला होता. माजलगाव येथील खाजगी रूग्णालयात उपचारादरम्यान मंगळवारी त्याचा मृत्यू झाला. मयत सुभाष गायकवाड याची पत्नी विजयमाला हिने दिलेल्या फिर्यादीवरून माजलगाव ग्रामीण पोलीस ठाण्यात कृष्णा रामा गायकवाड , बुवाजी मोहन गायकवाड , मोहन संतराम गायकवाड , दगडु सखाराम शिंदे व कलावती दगडू शिंदे सर्व रा. गोविंदपुर यांच्याविरूद्ध गुन्हा दाखल करण्यात आला आहे. तपास पोलीस उपनिरीक्षक दाभाडे हे करत आहे .