माजलगावात ८ लाखांचा गुटखा पकडला

माजलगाव : शहरालगत असणाऱ्या खानापूर येथे पाथरी पोलिसांनी गुटका विक्रेत्यावर अचानक मंगळवारी रात्री उशिरा छापा टाकत ८ लाख ३२ हजारांचा गुटका ताब्यात घेऊन गुटखा विक्रेत्यास ताब्यात घेतले. दरम्यान या कारवाईमुळे गुटखा विक्रेत्यांचे धाबे दणाणले आहे.

पाथरी येथे गुटखा विक्री करणाऱ्या एका इसमावर पोलिसांनी कारवाई केली होती. त्या इसमाकडे पोलिसांनी केलेल्या चौकशीत हा गुटखा माजलगावच्या गुटखा विक्रेत्याकडून आणण्यात आल्याचे निष्पन्न झाले होते. या माहितीवरून पाथरी पोलिसांनी मंगळवारी रात्री उशिरा नऊ वाजेच्या दरम्यान माजलगाव तालुक्यातील खानापूर येथे छापा टाकला. यावेळी पोलिसांनी गुटका विक्रेता राजाभाऊ त्र्यंबक गांडगे यास ताब्यात घेतले. दरम्यान यावेळी पोलिसांनी या गुटखा विक्रेत्याच्या गोदामातून ८ भोत (पोते) पान मसाला, राजनिवासच्या दोन रिक्षा भरून जप्त केल्या. ज्याची अंदाजे किंमत ८ लाख ३२ हजार रुपये आहे.

गुटखा पकडला ५० लाखांचा, कारवाई मात्र ८ लाख ३२ हजाराची

माजलगाव गुटखा विक्रेत्यांचे मुख्य केंद्र असून या ठिकाणी मोठ्या प्रमाणात गुटख्याची उलाढाल होत असल्याची ओरड आहे. अख्ख्या परभणी जिल्ह्यात माजलगाव येथून गुटखा पुरविला जात असल्याचे सांगितले जाते. दरम्यान, पाथरी पोलिसांनी या माहितीवरून २ गाड्या घेऊन माजलगावला छापा टाकला. खानापूरच्या ज्या गोदामात पोलिसांनी ही कारवाई केली, त्या ठिकाणी पन्नास लाखांच्या पुढे गुटखा साठा असल्याची चर्चा होती. तो सर्व गुटखा पोलिसांनी पकडला असल्याचे परिसरात ऐकायला मिळाले. परंतु मुख्य गुटखा विक्रेत्याशी तडजोड होऊन या ठिकाणी पाथरी पोलिसांनी केवळ ८ लाख ३ हजाराचा मुद्देमाल ताब्यात घेतल्याची दबक्या आवाजात चर्चा आहे.

===Photopath===

050521\purusttam karva_img-20210505-wa0041_14.jpg