कर्णकर्कश्य आवाजाचे हॉर्न, सायलेन्सरचा त्रास कायम

बीड : सायलेन्सरला फोडून फटाक्यासारखे आवाज काढत वाहन चालवण्याची क्रेझ तरुणांमध्ये रुढ झाली आहे. मोठा आवाज करीत वाहन चालविणे मोटार वाहन कायद्याचे उल्लंघन करणारे असल्याने वाहतूक शाखेने याविरुद्ध कारवाई केल्यानंतरही त्यास लगाम बसत नसल्याची स्थिती जिल्ह्यात आहे.

शहरी भागात वाहनांची संख्या वाढली आहे. त्यातच कर्णकर्कश्य हॉर्न गाडीला बसवून दुचाकी व चारचाकी वाहनांच्या सायलेन्सरमध्ये छेडछाड करुन फटाके वाजल्याचा आवाज काढत वाहने चालविली जातात. शहरी भागात हा प्रकार अधिक आहे. वाहतूक शाखेने याविरुद्ध कारवाया देखील केल्ल्या आहेत. मात्र, तरी देखील हा आवाज कमी होताना दिसत नाही. त्याचा त्रास सर्वसामान्य नागरिकांसह सहन करावा लागतो, वाहतूक शाखेने याविरुद्ध वर्षभरात अनेक वेळा दंडात्मक कारवाई केली. मात्र, कडक कारवाई करण्याची मागणी होत आहे.

वर्षभरात २०० जणांवर पोलिसांकडून कारवाई

मागील वर्षभरात शहरातील वाहतूक शाखेने मोठा आवाज करणारे सायलेन्सर वापरणाऱ्या १८५ तर, कर्णर्कश्य हॉर्न वाजवणाऱ्यां १५ जणांवर कारवाया केल्या आहेत. यावेळी वाहनधारकांवर दंडात्मक कारवाई करण्यात आली आहे, अशी माहिती वाहतूक शाखेतून देण्यात आली. याशिवाय नियम मोडणाऱ्या वाहनांवरही कारवाई झालेली आहे.

दंड करुन सायलेन्सर जप्त

सायलेन्सरचा आवाज मोठा असेल तर त्या वाहनधारकाला दंड आकारला जातो. त्याचप्रमाणे सायलेन्सर जप्त करण्याची तरतूद आहे. जिल्ह्यात अशा पद्धतीच्या कारवाई मागील वर्षात केल्या आहेत. मोठ्या आवाजाच्या हॉर्नच्या संदर्भातही अशाच पद्धतीने कारवाई करण्याची तरतूद आहे.

मोठ्या आवाजाच्या हॉर्नवर कारवाई वाढवणे गरजेचे

सायलेन्सरच्या आवाजाबरोबरच काही वाहनांना चित्र-विचित्र हॉर्न बसविलेले असतात. या हॉर्नमुळे अनेक वेळा समोरचा व्यक्ती घाबरतो किंवा दचकतो. याशिवाय मोठ्याने हॉर्न वाजवित शहरातील रस्त्यांवरुन धावणाऱ्या वाहनांची संख्याही अधिक आहे. अशा वाहनांवर सहसा कारवाई कमी प्रमाणात होत आहेत.. त्यामुळे हे प्रकार वाढत चालले आहेत. शहरातील अरुंद रस्ते, वाढलेली वाहने आणि त्यात नियम डावलत वाहने चालविल्याने त्याचा त्रास इतर वाहनधारकांना सहन करावा लागतो. त्यामुळे कारवाईची गरज निर्माण झाली आहे.

प्रतिक्रिया

सायलेन्सरचे आवाज करीत फिरणाऱ्या वाहनांवर वाहतूक शाखेकडून कारवाई केली जाते. त्याचप्रमाणे दिवसभर माईकद्वारे आवाहन करीत वाहनचालकांना नियमांचे पालन करण्यासंदर्भात आवाहन देखील केले जात आहे. सायलेन्सर, मोठ्या आवाजाचे हॉर्न वापरण्यास पोलिसांकडून ताब्यात घेऊन त्यांच्यावर दंडात्मक कारवाई केली जाते. तसेच विद्यार्थी असेल तर, पालकांना याची माहिती दिली जाते

कैलास भराती सपोनि

दंड करुन सायलेन्सर जप्त

सायलेन्सरचा आवाज मोठा असेल तर त्या वाहनधारकाला दंड आकारला जातो. त्याचप्रमाणे सायलेन्सर जप्त करण्याची तरतूद आहे. जिल्ह्यात अशा पद्धतीच्या कारवाई मागील वर्षात केल्या आहेत. मोठ्या आवाजाच्या हॉर्नच्या संदर्भातही अशाच पद्धतीने कारवाई करण्याची तरतूद आहे.