जहागिर मोहा येथे मराठा आरक्षणासाठी दोन तास रास्तारोको

जहागिर मोहा येथे मराठा आरक्षणासाठी आज सकाळी नऊ ते अकरा या वेळेत मराठा ठोक मोर्चा च्या वतीने रास्ता रोको आंदोलन करण्यात आले.

किल्लेधारुर (बीड) : तालुक्यातील जहागिर मोहा येथे मराठा आरक्षणासाठी आज सकाळी नऊ ते अकरा या वेळेत मराठा ठोक मोर्चा च्या वतीने रास्ता रोको आंदोलन करण्यात आले.

मराठा समाजाला शैक्षणिक व नोकरीत आरक्षण मिळावे तसेच मराठा समाज बांधवावरील गुन्हे तात्काळ मागे घेण्यात यावेत आदी मागण्यासाठी मराठा समाजाच्यावतीने आज किल्लेधारुर-आंबेवडगांव रस्त्यावरील जहागिर मोहा येथे सकाळी नऊ ते अकरा दोन तास रास्ता रोको आंदोलन करण्यात आले.यावेळी एक मराठा,लाख मराठा आदी घोषणांनी येथील परिसर दणाणून गेला होता.या आंदोलनाला गावातील समस्त गांवक-यांच्या वतीने  पाठिंबा देण्यात आला.यावेळी तहसिलदार राजाभाऊ कदम यांना मराठा ठोक मोर्चा च्या वतीने मागण्यांचे निवेदन देण्यात आले.