चारित्र्याच्या संशयावरून भाच्यांनीच केली आत्याची निर्घृण हत्या
By लोकमत न्यूज नेटवर्क | Published: September 17, 2017 04:17 PM2017-09-17T16:17:24+5:302017-09-17T16:20:21+5:30
चारित्र्याचा संशय घेत सख्या भावांनी मिळून आत्याचीच कुऱ्हाडीने वर करत निर्घृण हत्या केल्याची धक्कादायक घटना तालुक्यातील माली पारगाव येथे उघडकीस आली आहे.
चारित्र्याच्या संशयावरून भाच्यांनीच केली आत्याची निर्घृण हत्या
Next माजलगाव ( बीड ) , दि. १७ : चारित्र्याचा संशय घेत सख्या भावांनी मिळून आत्याचीच कुऱ्हाडीने वर करत निर्घृण हत्या केल्याची धक्कादायक घटना तालुक्यातील माली पारगाव येथे उघडकीस आली आहे. नवनाथ चाफाकानडे व सुनील चाफाकनडे असे आरोपींचे नावे असून हत्या करून दोघेही पोलीस स्थानकात हजर झाली.
याबाबत पोलिसांनी सांगितलेली माहिती अशी कि, निर्मला रामभाऊ पोपळघट ( 40, रा.कानेगाव खडकी ता. सोनपेठ) या पतीसोबत वाद झाल्याने दोन वर्षापासून माली पारगाव येथे त्यांच्या भावाशेजारील घरात राहत असत. नवनाथ व सुनील यांना त्यांची वागणूक ठीक नसल्याने आमची लग्न जमत नाहीत असा समज होता. यातच त्या दोघांचा त्यांच्या चारित्र्यावरील संशय बळावत केला. शनिवारी ( दि.१६) रात्री ११ च्या दरम्यान त्यांनी निर्मला यांच्या घरात घुसून त्यांच्या मानेवर कुऱ्हाडीने वार करत त्यांची हत्या केली.
यानंतर दोघेही माजलगाव ग्रामीण पोलीस स्थानकात हजर झाली व हत्येची कबुली दिली. अंमलदार संदीप मोरे यांच्या फिर्यादीवरून त्यांच्या विरुद्ध गुन्हा दाखल करण्यात आला असून पोलीस उपनिरीक्षक सोमनाथ नरके पुढील तपास करत आहेत.