दुचाकी अपघातात गंभीर जखमी दोघांपैकी एकाचा मृत्यू

बीड- नगर राज्य महामार्गावरील घटना

कडा :  धामणगाववरून डोंगरगणकडे जात असताना दुचाकीवरील संतुलन सुटल्याने बीड-नगर राज्य महामार्गावरील घाटा शिवारातील पूलावर असलेल्या दगडाला जोराची धडक होऊन झालेल्या अपघातात दोन जण गंभीर जखमी झाल्याची घटना मंगळवारी सायंकाळी घडली होती. उपचारादरम्यान बुधवारी रात्री जखमींपैकी एकाचा मृत्यू झाला तर दुसर्‍याची प्रकृती चिंताजनक आहे.

आष्टी तालुक्यातील डोंगरगण येथील सुनिल कर्डिले व बंडू बुचुडे हे दोघेजण धामणगाववरून बीड-नगर राज्य महामार्गावरून दुचाकीवरून जात असताना गाडीवरील ताबा सुटल्याने पुलावरील दगडाला जोराची धडक होऊन झालेल्या अपघातात दोघेजण गंभीर जखमी झाले होते. त्यांना उपचारासाठी  अहमदनगर येथील  खाजगी दवाखान्यात हलविण्यात आले आहे.  यातील बंडु विष्णू  बुचुडे  याला  पुणे येथे उपचारासाठी दाखल करण्यात आले होते. पण मार गंभीर असल्याने उपचारादरम्यान  बुधवारी रात्री बंडू बुचुडे याचा मृत्यू झाला. तर दुसर्‍याची  प्रकृती चिंताजनक आहे.