वाहनाच्या धडकेत गस्तीवरील पोलीस कर्मचाऱ्याचा मृत्यू

विवेक सदाशिव कांबळे (३४) असे मयत पोलीस कर्मचाऱ्याचे नाव आहे. त्यांची गेवराई पोलीस ठाण्यात कॉन्स्टेबल या पदावर नेमणूक होती. नेहमीप्रमाणे विवेक कांबळे व त्यांचे सहकारी पोलीस नाईक बबन वडते हे रात्रीच्या गस्तीवर होते. गढीच्या उड्डाणपुलावर विवेक यांनी आपली पोलीस व्हॅन थांबवली आणि ते गाडीच्या खाली उतरले तेवढ्यातच एका अज्ञात वाहनाने त्यांना धडक दिली आणि त्यात त्यांचा जागीच मृत्यू झाला.या घटनेची माहिती महामार्ग पोलिसांना मिळताच त्यांनी तत्काळ घटनास्थळी धाव घेतली आणि त्यांचा मृतदेह शवविच्छेदनासाठी गेवराईच्या उपजिल्हा रुग्णालयात पाठवला. विवेक कांबळे हे बीडच्या पंचशील नगरचे रहिवासी असून २०१० मध्ये पोलीस खात्यात भरती झाले होते आणि २०१६ पासून ते गेवराई पोलीस ठाण्यात पोलीस कॉन्स्टेबल या पदावर कार्यरत होते.

===Photopath===

090321\sakharam shinde_img-20210309-wa0011_14.jpg

===Caption===

विवेक कांबळे