निवडणुक प्रशिक्षण शिबिराचा मंडप कोसळला; सहा प्रशिक्षणार्थी जखमी

ही घटना आज दुपारी ३.३० वाजेच्या सुमारास घडली.

केज ( बीड ) : लोकसभा निवडणुकीसाठी वसंत महाविद्यालयातील प्रशिक्षण शिबीर स्थळी उभारलेला मंडप अचानक आलेल्या वादळाने प्रशिक्षणार्थींवर कोसळला. यात सहा प्रशिक्षणार्थी जखमी झाले असुन त्यांना उपचारासाठी उपजिल्हा रुग्णालयात दाखल करण्यात आले आहे. ही घटना आज दुपारी ३.३० वाजेच्या सुमारास घडली.

लोकसभा निवडणुकीसाठीचे दुसरे प्रशिक्षण शिबीर केज येथील वसंत महाविद्यालयात चालु आहे. या प्रशिक्षणासाठी रविवारी दोन हजार कर्मचारी सहभागी झाले होते. प्रशिक्षणासाठी आलेल्या कर्मचार्‍यांना उपविभागीय अधिकारी जाधव यांच्या उपस्थितीत प्रशिक्षण देण्यात येत होते. प्रशिक्षणार्थीना बसण्यासाठी महाविद्यालयाच्या प्रांगणात मंडप उभारण्यात आला आहे. आज दुपारी साडेतीनच्या सुमारास जोरदार वारा आल्याने मंडप खाली कोसळला.यात सहा प्रशिक्षणार्थी जखमी झाले आहेत. 

जखमींची नावे:  पठाण उमेदा बेगम वय 38 वर्षे रा अंबाजोगाई , स्नेहा हरिदास बर्दापुरे , वय 30 वर्षे , उमेंश फिरोज शेख , वय 26 वर्षे , हासमीन सुलतान समशोद्दीन ,वव 40 वर्षे , सायरा चाऊशी , वय 40 वर्षे , खाजिया खिरा , वय 50 वर्षे सर्व राहणार अंबाजोगाई