पर्यावरण दिनानिमित्त आष्टीत वृक्षारोपण

सामाजिक वनीकरण परिक्षेत्र आष्टी व कडा आनंदराव धोंडे ऊर्फ बाबाजी महाविद्यालय कडा यांच्या संयुक्त विद्यमाने माजी आ. भीमसेन धोंडे यांच्या हस्ते तसेच वनपरिक्षेत्र अधिकारी सुदाम मुंडे व प्राचार्य डॉ. हरिदास विधाते यांच्या प्रमुख उपस्थितीत महाविद्यालयात दोनशे झाडे लावण्यात आली. यावेळी सरपंच सावता ससाणे, उपप्राचार्य वाघुले, प्राचार्य गिऱ्हे, उपप्राचार्य प्रा. सुभाष गांगर्डे, सर्व प्राध्यापक व वनविभागाचे कर्मचारी उपस्थित होते.

कडा येथील पोलीस चौकीच्या प्रांगणात पोलीस निरीक्षक सलीम चाऊस यांच्या हस्ते वृक्षारोपण करण्यात आले. यावेळी सहायक पोलीस निरीक्षक भारत मोरे व पोलीस कर्मचारी उपस्थित होते. तालुक्यात ठिकठिकाणी शाळा, महाविद्यालये, शासकीय कार्यालयांमध्ये वृक्षारोपण करून जागतिक पर्यावरण दिन साजरा करण्यात आला.

===Photopath===

050621\img-20210605-wa0412_14.jpg~050621\avinash kadam_img-20210605-wa0061_14.jpg