तपोरत्न माजलगावकर महाराजांना साश्रुनयनांनी अखेरचा निरोप

माजलगाव(जि.बीड) : येथील सद्गुरू श्री मिस्कीन स्वामी मठ संस्थानचे मठाधिपती श्री तपोरत्नं प्रभू पंडिताराध्य शिवाचार्य माजलगावकर महाराज यांना शनिवारी हजारो भाविकांंनी साश्रुनयनांनी अखेरचा निरोप दिला. सकाळी ११ वाजेच्या सुमारास हिमवत्केदार महापीठाचे जगद्गुरू श्री श्री श्री १००८ भीमाशंकरलिंग शिवाचार्य महास्वामीजी यांच्या मार्गदर्शनाखाली समाधी विधी पार पडला. यावेळी हजारो शिवभक्तांनी ‘ॐ नमः शिवाय’चा गजर केला.

शुक्रवारी शिवाचार्य माजलगावकर महाराजांचे निर्वाण झाल्यानंतर जिल्ह्यासह महाराष्ट्र आणि राज्याबाहेरील भक्तांची अंत्यदर्शनासाठी रीघ लागली होती. यावेळी जगद्गुरू भीमाशंकरलिंग शिवाचार्य महास्वामीजी, वेदांताचार्य सिद्धलिंग शिवाचार्य महाराज साखरखेर्डेकर, श्रीगुरू शंकरलिंग शिवाचार्य महाराज अंबाजोगाईकर, श्रीगुरू नंदिकेश्वर शिवाचार्य महाराज पूर्णेकर, श्रीगुरू पंचाक्षरी शिवाचार्य महाराज माळकवठेकर, पाथरीच्या कांचबसवेश्वर मठाचे श्रीगुरू काशीनाथ शिवाचार्य महाराज, श्रीगुरू सिद्धलिंग शिवाचार्य महाराज शिखर शिंगणापूरकर, श्रीगुरू विरुपाक्ष शिवाचार्य महाराज मुखेडकर, श्रीगुरू विरुपाक्ष शिवाचार्य महाराज मानूरकर, श्रीगुरू महादेव शिवाचार्य महाराज कळमनुरीकर, श्रीगुरू बादेश्वर शिवाचार्य महाराज गिरगावकर, श्रीगुरू महन्तमा स्वामी महाराज थोरवेकर, वेदांताचार्य सद्गुरू दिगंबर शिवाचार्य महाराज थोरवे मठ वसमतकर, श्रीगुरू सूर्यकांतेश्वर शिवाचार्य महाराज, श्रीगुरू चन्नबसव शिवाचार्य गुरू महालिंग शिवाचार्य बर्दापूरकर यांची प्रमुख उपस्थिती होती. कर्नाटक, आंध्रप्रदेश, तेलंगणा या राज्यांतील हजारो भक्तगणांनी माजलगावकर महाराज यांच्या समाधी विधीस उपस्थित होते.

आमदार प्रकाश सोळंके, मुंबई कृषी उत्पन्न बाजार समितीचे सभापती अशोक डक, माजी खासदार चंद्रकांत खैरे, आमदार राधाकृष्ण होके पाटील, मोहनराव सोळंके, रमेश आडसकर, अप्पासाहेब जाधव, अशोक होके पाटील, ज्ञानेश्वर मेंडके, अरुण राऊत, ॲड. सुरेश दळवे आदींसह विविध पक्षांचे नेते, कार्यकर्त्यांनी तपोरत्नं महाराजांच्या पार्थिवदेहाचे अंत्यदर्शन घेतले.

110921\purusttam karva_img-20210911-wa0024_14.jpg~110921\purusttam karva_img-20210911-wa0019_14.jpg

तपोरत्न माजलगावकर महाराजांना साश्रू नयनांनी अखेरचा निरोप~