श्रीराम मंदिर निर्माण निधी संकलन अभियान शोभायात्रा उत्साहात

अंबाजोगाई : श्रीराम मंदिर निर्माण कार्य सुरू झाले असून, या सत्कार्यात प्रत्येकाने आपले योगदान द्यावे. कारण ही संधी जीवनात पुन्हा येणार नाही, असे मत नगरसेवक डॉ. अतुल देशपांडे यांनी केले. श्रीराम मंदिर निधी संकलन अभियान कार्यक्रमात ते बोलत होते. यावेळी व्यासपीठावर तुळशीराम धायगुडे, चंद्ररेखा मुळे आदी उपस्थित होते.

या निमित्ताने अंबाजोगाईत श्रीराम मंदिर निर्माण संकलन अभियान शोभायात्रा देशपांडे गल्ली, रणझुंजार बाजीप्रभू चौक, खडकपुरा व इतर भागातून मोठ्या उत्साहात टाळ, मृदंगाच्या गजरात काढण्यात आली. या शोभायात्रेत विश्वास पत्की, अजय जोशी, मोरेश्वर कुंबेफळकर, अजित सांगळे, डॉ. दिगंबर मुडेगावकर, प्रकाश पुसरेकर, वामन इटकुरकर, उन्मेश मातेकर, विजय वालवडकर, पद्मनाथ देशपांडे, श्रीरंग सुखसे, सुचिता देशपांडे, जयश्री इटकुरकर, संगीता देशपांडे, सविता कुलकर्णी, वैशाली देशपांडे, कल्याणी जोशी, मनीषा वैद्य यांच्यासह परिसरातील महिला, तरुण, ज्येष्ठ नागरिक आदी सहभागी झाले होते. श्रीराम मंदिर निर्माण संकलन अभियान शोभायात्रेचा समारोप हनुमान मंदिरात श्रीरामाच्या जयघोषात करण्यात आला.