दमदार हजेरी, बीड जिल्ह्यात सर्वोत्तम पाऊस

बीड : तब्बल २५ दिवसांच्या प्रतीक्षेनंतर जिल्ह्यात सोमवारी रात्री झालेल्या पावसाने खरिपाच्या पिकांना मोठा आधार झाला असला तरी बहुतांश ठिकाणी पिकांना अति पावसाचा फटकाही बसला आहे, तर लघु प्रकल्प भरले असून, मध्यम व मोठ्या प्रकल्पांतही पाणीसाठा वाढणार आहे. सोमवारी रात्रीपासून मंगळवारपर्यंत जिल्ह्यातील ३१ मंडळांमध्ये ६५ मिमीपेक्षा जास्त पाऊस झाला. सर्वाधिक पाऊस बीड तालुक्यातील पिंपळनेर मंडळात २१४ मिमी नोंदला आहे. मंगळवारी मागील सकाळी ११ वाजेपर्यंत मागील २४ तासांत बीड तालुक्यात ७५.२ मिमी पाऊस नोंदला आहे.

-------------

बीड तालुक्यातील बीड मंडळात १११ मिमी, पाली मंडळात ९९, म्हाळस जवळा १६६, नाळवंडी १९०, पिंपळनेर २१४, पेंडगाव ११८, चौसाळा ७७ आणि नेकनूर मंडळात ८० मिमी पाऊस नोंदला आहे.

-----------------

गेवराई तालुक्यातील गेवराई मंडळात ९४ मिमी, मादळमोही ११३, जातेगाव ८४, पाचेगाव ७४, उमापूर १००, चकलांबा ११७, सिरसदेवी ८१ आणि रेवकी मंडळात ७६ मिमी पाऊस झाला.

-------

पाटोदा तालुक्यात, पाटोदा मंडळात ६४, तर अंमळनेर मंडळात १६२ मिमी नोंद झाली.

-----------

आष्टी तालुक्यात आष्टी मंडळात ६६ मिमी, दौलावडगाव १२६, धामणगाव ६७, धानोरा ६९ आणि पिंपळा मंडळात ६६ मिमी पावसाची नोंद झाली.

--------------

वडवणी तालुक्यात वडवणी मंडळात ८८ मिमी, तर कवडगाव मंडळात ११५ मिमी पाऊस झाला.

----

शिरूर कासार तालुक्यात शिरूर मंडळात ६५ व रायमोहा मंडळात ९१ मिमी पाऊस नोंदला.

-----------

परळी तालुक्यातील धर्मापुरी मंडळात ७८ मिमी पावसाची नोंद झाली.

---------

अंबाजोगाई तालुक्यात पाटोदा ममदापूर मंडळात १६० मिमी, तर बर्दापूर मंडळात ५५ मिमी पाऊस झाला.

---------

धारूर तालुक्यात धारूर मंडळात ६२

--------

२४ तासांत नोंदलेला पाऊस

बीड १०७.६ मिमी, पाटोदा ८६ मिमी, गेवराई १०२ मिमी, आष्टी ६९ मिमी, माजलगाव ३९ मिमी, केज ४३.६ मिमी, अंबाजोगाई ८८ मिमी, परळी ३२ मिमी, धारूर ४३.८ मिमी, वडवणी १०२ मिमी, शिरूर ७२ मिमी - एकूण ७५.२ मिमी

-------------

जून ते ऑगस्टपर्यंत झालेला एकूण पाऊस

बीड ४८२ मिमी, पाटोदा ५२५ मिमी, आष्टी ४२१ मिमी, गेवराई ५८४ ममी, माजलगाव ६०१ मिमी, अंबाजोगाई ८२६ मिमी, केज ५३९ मिमी, परळी ७०९ मिमी, धारूर ६६७ मिमी, वडवणी ७०४ मिमी, शिरूर कासार ४५० मिमी.

------------

अपेक्षित पाऊस, झालेला पाऊस

जिल्ह्यात जून - जुलैमध्ये २५६ मिमी पाऊस अपेक्षित होता. या कालावधीत ३९१ मिमी पाऊस झाला, तर ऑगस्टमध्ये १३८ मिमी पाऊस अपेक्षित होता. या महिन्यात मोठा खंड पडला तरीही १७८ मिमी पाऊस झाला आहे. जिल्ह्यात ३१ ऑगस्टपर्यंत अपेक्षित पाऊस ३९४ मिमी होता. मात्र, या तारखेपर्यंत ५७१ मिमी पाऊस झाला आहे.

---------------

अतिवृष्टीचे पंचनामे त्वरित व्हावेत

जिल्ह्यात सर्वत्र उत्तम आणि समाधानकारक पाऊस झाल्याने शेतकरी समाधान व्यक्त करीत आहेत. सोयाबीन आणि काढणीला आलेल्या मूग, उडदासह काही पिकांना फटका बसणार आहे. जिल्ह्यात बहुतांश मंडळांत अतिवृष्टी (६५ मिमीपेक्षा जास्त) झाली आहे. काही मंडळात यापेक्षा दुप्पट पाऊस झाला आहे. त्यामुळे या अतिवृष्टीचे पंचनामे करणे आवश्यक असून, महसूल व तहसील विभागामार्फत पंचनामे करून नुकसान झालेल्या शेतकऱ्यांना नुकसान भरपाई मिळवून देण्याची गरज आहे.

-------------